ನಟಿ ರಶ್ಮಿಕಾ ಮಂದಣ್ಣ ಒಂದಲ್ಲ, ಒಂದು ಕಾರಣಕ್ಕೆ ಸದಾ ಸುದ್ದಿಯಲ್ಲಿ ಇರುತ್ತಾರೆ. ಅದರಲ್ಲೂ ಹೆಚ್ಚಾಗಿ ವಿವಾದಾತ್ಮಕ ಕಾರಣಗಳಿಂದಲೇ ಅವರು ಫೇಮಸ್‌. ಹಾಗೇ, ಈಗ ಅವರ ವಿಡಿಯೊವೊಂದು ಸಾಮಜಿಕ ಮಾಧ್ಯಮಗಳಲ್ಲಿ ಭಾರಿ ವೈರಲ್‌ ಆಗುತ್ತಿದೆ. ಅದರಲ್ಲಿ ಅವರು ವೇದಿಕೆ ಮೇಲೆ ಅಶ್ಲೀಲ ಶಬ್ದವೊಂದನ್ನ ಬಳಸಿ, ತಕ್ಷಣವೇ ಕ್ಷಮೆ ಕೇಳಿದ್ದಾರೆ.

ಅಂದಹಾಗೇ, ಈ ಘಟನೆ ನಡೆದಿದ್ದು, 'ಕಾಕ್‌ಟೇಲ್ 2 ಸಿನಿಮಾದ ಹಾಡು ಬಿಡುಗಡೆ ಸಮಾರಂಭದಲ್ಲಿ.

ಇತ್ತೀಚೆಗಷ್ಟೇ ಮದುವೆಯಾದ ರಶ್ಮಿಕಾ ಮಂದಣ್ಣ ಅವರು ಕಾಕ್‌ಟೇಲ್‌ 2 ಸಿನಿಮಾದಲ್ಲಿ ಬ್ಯುಸಿ ಇದ್ದಾರೆ. ಭಾನುವಾರ ನಡೆದ ಹಾಡು ಬಿಡುಗಡೆ ಸಮಾರಂಭದಲ್ಲಿ ಅವರು ತಮ್ಮ ಸಹನಟರಾದ ಶಾಹಿದ್‌ ಕಪೂರ್‌ ಮತ್ತು ಕೃತಿ ಸನೋನ್‌ ಜೊತೆ ವೇದಿಕೆ ಹಂಚಿಕೊಂಡರು. ಹಾಡು ಬಿಡುಗಡೆಯ ಮುಖ್ಯ ಸಮಾರಂಭ ಮುಗಿಯುತ್ತಿದ್ದಂತೆ ನಟ-ನಟಿಯರು ಮಾತನಾಡಿದರು. ಹೀಗೆ ಮಾತನಾಡುವ ವೇಳೆ ರಶ್ಮಿಕಾ ಮಂದಣ್ಣ ಅವರು ಒಂದು ಮುಜುಗರದ ಸನ್ನಿವೇಶವನ್ನ ತಂದುಕೊಂಡರು. ಅವರು ಇಂಗ್ಲಿಷ್‌ F...ಎಂಬ ಶಬ್ದ ಉಪಯೋಗಿಸಿ. ತಕ್ಷಣವೇ ನಾಲಿಗೆ ಕಚ್ಚಿಕೊಂಡು..ಸ್ವಾರಿ..ಸ್ವಾರಿ ಎಂದು ಹೇಳಿದರು. ಅವರು ಮುಜುಗರಕ್ಕೀಡಾದರೂ, ಅಲ್ಲಿದ್ದವರೆಲ್ಲ ಜೋರಾಗಿ ನಕ್ಕಿದ್ದಾರೆ. ಕೃತಿ ಮತ್ತು ಶಾಹೀದ್‌ ಕೂಡ ಸಿಕ್ಕಾಪಟ್ಟೆ ನಕ್ಕಿದ್ದಾರೆ. ನಂತರ ಕೃತಿ ಮತ್ತು ರಷ್ಮಿಕಾ ಒಬ್ಬರನ್ನೊಬ್ಬರು ಹಗ್‌ ಮಾಡಿಕೊಂಡಿದ್ದಾರೆ.

ವಿಡಿಯೊ ವೈರಲ್

ರಶ್ಮಿಕಾ ಮಂದಣ್ಣ ಮಾಡಿರುವ ಎಡವಟ್ಟಿನ ವಿಡಿಯೊ ಸಾಕಷ್ಟು ವೈರಲ್‌ ಆಗಿದೆ. ಇನ್ನು ಇಷ್ಟೆಲ್ಲ ಆಗಿದ್ದು ರಶ್ಮಿಕಾ ಅವರು ಕೃತಿ ಸನೋನ್‌ರನ್ನ ಹೊಗಳುವಾಗ. ʼನೀವು ತುಂಬ ಹಾಟ್‌ ಆಗಿ ಕಾಣುತ್ತೀರಿ..ಅದು ಇಡೀ ಜಗತ್ತಿಗೇ ಗೊತ್ತು..ನೀವು f**king hot ಎಂದು ಅತಿಯಾಗಿ ಹೊಗಳಿಬಿಟ್ಟರು. ಆದರೆ ಇಲ್ಲಿ ಹಾಟ್‌ ಎಂಬ ಶಬ್ದಕ್ಕೆ ತಕರಾರಿಲ್ಲ ಆದರೆ f**king ಎನ್ನುವ ಶಬ್ದ ಅತಿ ಎನ್ನಿಸಿಬಿಟ್ಟಿತು. ಇದು ಹೊಗಳಿಕೆಯಲ್ಲ..ಅಶ್ಲೀಲವಾಗಿ ಗೋಚರಿಸಿತು. ಆದರೆ ರಶ್ಮಿಕಾ ವಿಪರೀತ ಮುಜುಗರಕ್ಕೀಡಾದರು. ಅಷ್ಟೇ ಅಲ್ಲ, ಇದನ್ನ ಕಟ್‌ ಮಾಡಿ..ಕಟ್‌ ಮಾಡಿ ಎಂದು ಹೇಳಿಕೊಂಡರು.