ಸಿನಿಮಾ
ಚಂದನವನಕ್ಕೆ ಸುಪ್ರೀಂ ಹೀರೋ ಪುತ್ರ ಗ್ರ್ಯಾಂಡ್​ ಎಂಟ್ರಿ

ಸುಪ್ರೀಂ ಹೀರೋ ಶಶಿಕುಮಾರ್ ಪುತ್ರ ಸ್ಯಾಂಡಲ್​ವುಡ್​ಗೆ ಗ್ರ್ಯಾಂಡ್​​ ಎಂಟ್ರಿ ಕೊಡುತ್ತಿರೋದು ಗೊತ್ತೇಯಿದೆ. ಸೀತಾಯಣ ಸಿನಿಮಾ ಮೂಲಕ ಚಂದನವನಕ್ಕೆ ಕಾಲಿಡ್ತಿರೋ ಅಕ್ಷಿತ್​ಗೆ ನಮ್ಮ ಕನ್ನಡದ ಸ್ಟಾರ್​ಗಳು ಮಾತ್ರವಲ್ದೆ ಟಾಲಿವುಡ್​ ಸ್ಟಾರ್ ಕೂಡ ಸಾಥ್​ ಕೊಡುತ್ತಿದ್ದಾರೆ. ಚಿತ್ರದ ಟೀಸರ್​ ನೋಡಿ ಮೆಚ್ಚಿಕೊಂಡಿದ್ದಾರೆ.

ಸ್ಯಾಂಡಲ್​ವುಡ್​ನ ಒಂದ್ಕಾಲದ ನಂಬರ್​ ಒನ್​ ಡಾನ್ಸರ್​. ಸೂಪರ್​ ಆಯಕ್ಟರ್, ಬ್ಯುಸಿಯೆಸ್ಟ್ ಹೀರೋ ಶಶಿಕುಮಾರ್. ಇದೀಗ ಶಶಿಕುಮಾರ್​ ಪುತ್ರಅಕ್ಷಿತ್ ಶಶಿಕುಮಾರ್ ಸ್ಯಾಂಡಲ್​ವುಡ್​ಗೆ ಎಂಟ್ರಿ ಕೊಡುತ್ತಿರೋದು ಗೊತ್ತೇಯಿದೆ. ಸೀತಾಯಣ ಎಂಬ ರೊಮ್ಯಾಂಟಿಕ್ ಥ್ರಿಲ್ಲರ್​ ಸಿನಿಮಾ ಮೂಲಕ ಮೊದಲ ಬಾರಿಗೆ ನಾಯಕನಾಗಿ ಮಿಂಚೋಕ್ಕೆ ಹೊರ್ಟಿರೋ ಅಕ್ಷಿತ್, ಕೇವಲ ಕನ್ನಡ ಮಾತ್ರವಲ್ದೆ, ಮೊದಲ ಚಿತ್ರದ ಮೂಲಕವೇ ತಮಿಳು ಮತ್ತು ತೆಲುಗು ಚಿತ್ರರಂಗಕ್ಕೂ ಎಂಟ್ರಿ ಕೊಡುತ್ತಿದ್ದಾರೆ.

ಸೀತಾಯಣ ಈ ಹಿಂದೆ ಸಿನಿಮಾದ ಫಸ್ಟ್ ಲುಕ್, ಮೋಶನ್ ಪೋಸ್ಟರ್ ಮೂಲಕ ಕುತೂಹಲ ಹುಟ್ಟಿಸಿತ್ತಾದ್ರೂ,ಆ ನಂತ್ರ ಚಿತ್ರದ ವಿಡಿಯೋ ಸಾಂಗ್​ ರಿಲೀಸ್ ಆಗಿತ್ತು. ಆಂದ್ಹಾಗೇ ಸೀತಾಯಣದ ಮೊದಲ ಹಾಡನ್ನ ರಿಯಲ್​ ಸ್ಟಾರ್ ಉಪೇಂದ್ರ ರಿಲೀಸ್ ಮಾಡೋದ್ರ ಮೂಲಕ, ಅಕ್ಷಿತ್​ಗೆ ಶುಭಾಶಯ ಹೇಳಿದರು.

ಸದ್ಯ ಇದೀಗ ಸೀತಾಯಣ ಚಿತ್ರದ ಅಫೀಶಿಯಲ್ ಟೀಸರ್ ರಿಲೀಸ್​ ಆಗಿದ್ದು, ಕನ್ನಡದ ಟೀಸರ್ನ್ನ ಹ್ಯಾಟ್ರಿಕ್​ ಹೀರೋ ಶಿವರಾಜ್​ಕುಮಾರ್ ಮತ್ತು ತೆಲುಗು ಟೀಸರ್​ನ್ನ ಟಾಲಿವುಡ್​ ಸ್ಟಾರ್ ರವಿತೇಜಾ ರಿಲೀಸ್ ಮಾಡಿದ್ದಾರೆ. ಇನ್ನು ಹ್ಯಾಟ್ರಿಕ್​ ಹೀರೋ ಶಿವರಾಜ್​ಕುಮಾರ್ ಮತ್ತು ಶಶಿಕುಮಾರ್ ತುಂಬಾ ಒಳ್ಳೆ ಸ್ನೇಹಿತರು. ಹಾಗಾಗಿ ಸ್ನೇಹಿತನ ಪುತ್ರ ಚಿತ್ರರಂಗಕ್ಕೆ ಕಾಲಿಡ್ತಿರೋದರ ಬಗ್ಗೆ ಖುಷಿ ವ್ಯಕ್ತಪಡಿಸಿದ್ದಾರೆ.

ಇನ್ನು ಸೀತಾಯಣ ಚಿತ್ರದಲ್ಲಿ ಅಕ್ಷಿತ್​ಗೆ ಜೋಡಿಯಾಗಿ ಅನ್​ಹಿತಾ ಭೂಷಣ್​ ಕಾಣಿಸಿಕೊಂಡಿದ್ದು, ಪ್ರಭಾಕರ್​ ಆರಿಪಾಕ ನಿರ್ದೇಶನ ಮಾಡಿದ್ದಾರೆ. ಲಲಿತಾ ರಾಜಲಕ್ಷ್ಮಿ ಪ್ರೊಡಕ್ಷನ್ಸ್ ಬ್ಯಾನರ್​ ನಲ್ಲಿ ಸಿನಿಮಾ ತಯಾರಾಗಿದ್ದು, ಸದ್ಯದಲ್ಲೇ ತೆರೆ ಮೇಲೆ ತರೋ ಪ್ಲಾನ್​ನಲ್ಲಿದೆ ಚಿತ್ರತಂಡ.