ನವದೆಹಲಿ: ವಿವಿಧೋದ್ದೇಶಗಳಿಗೆ ಬಳಸಬಹುದಾದ ಮೊದಲ ಬಹುಪಯೋಗಿ ಹಡಗು 'ಸಮರ್ಥಕ್' ಅನ್ನು ನೌಕಾ ಪಡೆಗೆ ಗುರುವಾರ ಹಸ್ತಾಂತರಿಸಲಾಯಿತು.
ಕಡಲಿನ ಮೇಲೆ ಕಣ್ಗಾವಲು, ಕರಾವಳಿ ಪ್ರದೇಶದಾಚೆಗಿನ ಗಸ್ತು ಸೇರಿದಂತೆ ಹತ್ತು ಹಲವು ಕಾರ್ಯಗಳನ್ನು ಈ ಹಡಗು ನಿರ್ವಹಿಸುತ್ತದೆ.
ಎಲ್ಲಕ್ಕಿಂತ ಮುಖ್ಯವಾಗಿ ವಿಪತ್ತು ಪರಿಹಾರ ಕಾರ್ಯಾಚರಣೆಗಳನ್ನು ನಿಭಾಯಿಸುವ ಸಾಮರ್ಥ್ಯವನ್ನೂ ಈ ಹಡಗು ಹೊಂದಿದೆ.
ಇದೇ ಕಾರಣಕ್ಕೇ ಇದಕ್ಕೆ 'ಸಮರ್ಥಕ್' ಎಂಬ ಹೆಸರನ್ನು ಇಡಲಾಗಿದೆ. ಈ ಹಡಗು ಆತ್ಮನಿರ್ಭರ ಭಾರತದ ಪ್ರತೀಕವಾಗಿದ್ದು, ಇದನ್ನು ಭಾರತದಲ್ಲೇ ನಿರ್ಮಿಸಲಾಗಿದೆ. ಜತೆಗೆ ಇದರ ನಿರ್ಮಾಣಕ್ಕೆ ಶೇ.75ರಷ್ಟು ಸ್ಥಳೀಯ ವಸ್ತುಗಳನ್ನೇ ಬಳಸಲಾಗಿದೆ.