ದಕ್ಷಿಣ ಏಷ್ಯಾದಲ್ಲಿ ಭಾರತ ಬಹಳ ದೊಡ್ಡ ಧ್ವನಿಯಾಗಿದ್ದು, ಶಾಂತಿಯ ಬಗ್ಗೆ ಮಾತನಾಡುವ ಎಲ್ಲೆಡೆ ನಾವು ಯಾವಾಗಲೂ ದೊಡ್ಡ ಪಾತ್ರ ವಹಿಸಿದ್ದೇವೆ, ಆದರೆ ಪ್ರಧಾನ ಮಂತ್ರಿಯವರ ಇಸ್ರೇಲ್ ಭೇಟಿಯ ಸಮಯವು ತುಂಬಾ ತಪ್ಪಾಗಿದೆ ಎಂದು ನಾನು ಮತ್ತೆ ಪುನರಾವರ್ತಿಸುತ್ತಿದ್ದೇನೆ'' ಎಂದರು.

''ನಾವು ಯಾವಾಗಲೂ ನಿಷ್ಪಕ್ಷಪಾತವಾಗಿಯೇ ಉಳಿದಿದ್ದೇವೆ. ಎರಡು ಕಡೆಯವರು ಜಗಳವಾಡುತ್ತಿದ್ದರೆ, ಅವರನ್ನು ಕೂರಿಸಿ ಮಾತನಾಡುವಂತೆ ಮಾಡುವ ಸಾಮರ್ಥ್ಯ ನಮಗಿತ್ತು. ಪ್ರಧಾನಿ ಮೋದಿ ಈ ವಿಷಯವನ್ನು ಪರಿಶೀಲಿಸಬೇಕು ಮತ್ತು ಭಯೋತ್ಪಾದನೆಯ ರೂಪದಲ್ಲಿ ಅಥವಾ ಇನ್ಯಾವುದೇ ರೂಪದಲ್ಲಿ ನಮಗೆ ಯಾವಾಗಲೂ ತೊಂದರೆ ನೀಡುತ್ತಿರುವ ನೆರೆಯ ದೇಶ ಪಾಕಿಸ್ಥಾನ ಈ ಪಾತ್ರವನ್ನು ವಹಿಸಿರುವುದಕ್ಕೆ ಕಾರಣವೇನೆಂದು ಪರಿಗಣಿಸಬೇಕೆಂದು ನಾನು ಭಾವಿಸುತ್ತೇನೆ'' ಎಂದು ಓವೈಸಿ ಹೇಳಿದರು.

''ಇರಾನ್ ಯಾವಾಗಲೂ ನಮಗೆ ಹೆಚ್ಚು ಹತ್ತಿರವಾಗಿದೆ.ಸರ್ಕಾರ ಇದನ್ನು ಪರಿಶೀಲಿಸುತ್ತದೆ ಮತ್ತು ಇದು ಏಕೆ ಸಂಭವಿಸಿತು ಎಂಬುದನ್ನು ಕಂಡುಹಿಡಿಯುತ್ತದೆ ಎಂದು ನಾವು ಭಾವಿಸುತ್ತೇವೆ" ಎಂದು ಹೇಳಿದರು.

"ವಿದೇಶಾಂಗ ನೀತಿ, ಆಂತರಿಕ ಭದ್ರತೆ, ಮೂರು ಗಂಟೆಗಳ ಜೋಕ್ ಅಲ್ಲ.ಕದನ ವಿರಾಮ ಜಾರಿಯಾಗಿದೆ. ಈಗ ಮುಗ್ಧ ಜನರ ಸಾವುಗಳು ಕಡಿಮೆಯಾಗುತ್ತವೆ. ಆದರೆ ಇನ್ನೂ ಸಮಯವಿದೆ. ಲೆಬನಾನ್‌ನಲ್ಲಿ ಕದನ ವಿರಾಮವನ್ನು ಜಾರಿಗೊಳಿಸಲು ನಾವು ಕೇಂದ್ರ ಸರ್ಕಾರವನ್ನು ಒತ್ತಾಯಿಸುತ್ತೇವೆ''ಎಂದು ಓವೈಸಿ ಹೇಳಿದರು.

ನಾವು ಮೌನವಾಗಿದ್ದರೆ, ಅಕ್ಸಾಯ್ ಚಿನ್ ಮತ್ತು ಪಿಒಕೆಯನ್ನು ನಾವು ಹೇಗೆ ಮರಳಿ ಪಡೆಯುತ್ತೇವೆ?" ಎಂದು ಕೇಂದ್ರ ಸರಕಾರವನ್ನು ಓವೈಸಿ ಪ್ರಶ್ನಿಸಿದರು.