ಪ್ರಸ್ತುತ , ಉದ್ಯೋಗ ಕಳೆದುಕೊಂಡ ಎಚ್‌-1ಬಿ, ಎಲ್‌-1, ಇತರೆ ನುರಿತ ವೃತ್ತಿಪರರು ಅಮೆರಿಕದಲ್ಲಿ ಹೊಸ ಉದ್ಯೋಗ ಹುಡುಕಿಕೊಳ್ಳಲು, ವೀಸಾ ಸ್ಥಿತಿಯನ್ನು ಬದಲಾಯಿಸಲು 60 ದಿನಗಳ ಕಾಲಾವಕಾಶ ಪಡೆಯುತ್ತಿದ್ದರು. ಹೊಸ ಪ್ರಸ್ತಾವನೆಯಲ್ಲಿ, ಉದ್ಯೋಗ ಕಳೆದುಕೊಂಡ ತಕ್ಷಣವೇ ದೇಶ ತೊರೆಯಬೇಕಾದ ಪರಿಸ್ಥಿತಿ ಎದುರಾಗಲಿದ್ದು, ಇದು ವಿಶೇಷವಾಗಿ ಲಕ್ಷಾಂತರ ಭಾರತೀಯರ ಮೇಲೆ ಗಂಭೀರ ಪರಿಣಾಮ ಬೀರಲಿದೆ.

ಅಮೆರಿಕದ ಟೆಕ್‌ ವಲಯದಲ್ಲಿ ಭಾರತೀಯರೇ ಹೆಚ್ಚಿದ್ದಾರೆ. ಈ ನಿರ್ಧಾರದಿಂದ ಉದ್ಯೋಗಿಗಳು, ಅವರ ಕುಟುಂಬಗಳ ವಸತಿ, ಮಕ್ಕಳ ಶಿಕ್ಷಣ ಮತ್ತು ವೀಸಾ ಮುಂದುವರಿಕೆಗೆ ಸಂಬಂಧಿಸಿದಂತೆ ದೊಡ್ಡ ಮಟ್ಟದ ಅನಿಶ್ಚಿತತೆ ಸೃಷ್ಟಿಯಾಗಲಿದೆ.