ಎಂಡಿಎಂಎ ಸಹಿತ ಆರೋಪಿಯ ಬಂಧನ
ಕಾಸರಗೋಡು: ಬದಿಯಡ್ಕ ಪೊಲೀಸರು ರವಿವಾರ ನಡೆಸಿದ ಕಾರ್ಯಾಚರಣೆಯಲ್ಲಿ ಎಂಡಿಎಂಎ (MDMA) ಎಂಬ ಮೈಕಲ ದ್ರವ್ಯವನ್ನು (Drug) ವಶಪಡಿಸಿಕೊಂಡಿದ್ದು, ಈ ಸಂಬಂಧ ನೆಕ್ರಾಜೆ ಸಾಲತ್ತಡ್ಕ ನಿವಾಸಿ ಲತೀಫ್ (38) ಎಂಬಾತನನ್ನು ಬಂಧಿಸಿದ್ದಾರೆ.

ನ್ಯುಮೋನಿಯಾ ಬಾಧಿಸಿ ಶಿಕ್ಷಕ ಸಾವು
ಕಾಸರಗೋಡು: ನ್ಯುಮೋನಿಯಾ (Pneumonia) ರೋಗದಿಂದ ಬಳಲುತ್ತಿದ್ದ ಬಂದಡ್ಕ ಕರಿವೇಡಗಂ ಸೆಂಟ್ ಮೇರಿಸ್ ಯುಪಿ (UP) ಶಾಲೆಯ ಶಿಕ್ಷಕ, ಕಣ್ಣೂರು ಆಲಕ್ಕೋಡು ಚಾಗೋಕುಂಡ್ ನಿವಾಸಿ ಕಾಂಞಿರತ್ತು ಮುಟ್ಟಿಲ್ ಸಿಜೋ ಕೆ. ಡೊಮಿನಿಕ್ (39) ರವಿವಾರ ನಿಧನರಾದರು.

ಬಾಲಕಿಗೆ ಕಿರುಕುಳ: ಪ್ರಕರಣ ದಾಖಲು
ಕಾಸರಗೋಡು: ಕುಂಬಳೆ ಪೊಲೀಸ್ ಠಾಣೆ ವ್ಯಾಪ್ತಿಯ ಬಾಲಕಿಯೊಬ್ಬಳಿಗೆ ದೂರವಾಣಿ (Phone) ಮೂಲಕ ಸಂದೇಶ ಕಳುಹಿಸಿ, ಆಕೆಯನ್ನು ಹಿಂಬಾಲಿಸಿ ಕಿರುಕುಳ ನೀಡಿದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಕೊಡ್ಯಮ್ಮೆಯ ಕಲಂದರ್ ಶಾನಿ (26) ವಿರುದ್ಧ ಕುಂಬಳೆ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.

ಹಳಸಿದ ಆಹಾರ ಪದಾರ್ಥಗಳ ವಶ
ಕಾಸರಗೋಡು: ಕಾಸರಗೋಡು ನಗರಸಭೆಯ ಆರೋಗ್ಯ ವಿಭಾಗದ ನೇತೃತ್ವದಲ್ಲಿ ನಗರದ ವಿವಿಧ ಉಪಹಾರ ಗೃಹಗಳಲ್ಲಿ (Hotels) ರವಿವಾರ ನಡೆಸಿದ ಆಕಸ್ಮಿಕ ತಪಾಸಣೆ ವೇಳೆ, ಸೇವನೆಗೆ ಯೋಗ್ಯವಲ್ಲದ ಹಳಸಿದ ಆಹಾರ ಪದಾರ್ಥಗಳನ್ನು ವಶಪಡಿಸಿಕೊಳ್ಳಲಾಯಿತು.