ಟಪ್ಪಾಂಗುಚ್ಚಿ ಹಾಡಿನಂತೆ ಕೋಸ್ಟಲ್‌ವುಡ್‌ನಲ್ಲಿ ಈ ಹಾಡು ಟ್ರೆಂಡ್‌ನಲ್ಲಿದೆ. ಈಗ ನಿರೀಕ್ಷೆ ಹೆಚ್ಚಿಸಿರುವ ʼ90 ಎಂ.ಎಲ್‌ʼ ಟ್ರೇಲರ್‌ ರಿಲೀಸ್‌ ಮಾಡಿ ಪ್ರೇಕ್ಷಕರ ಕುತೂಹಲ ಹೆಚ್ಚಿಸಿದೆ.

ಕುಡಿಯುವುದನ್ನು ನಿಲ್ಲಿಸಬೇಕೆನ್ನುವ ಡೈಲಾಗ್‌ನೊಂದಿಗೆ ಶುರುವಾಗುವ ಟ್ರೇಲರ್‌ ಆ ಬಳಿಕ ನಾಯಕ ನಟನ ಜೀವನದ ಕಥೆಯ ಎಳೆಯನ್ನು ತೋರಿಸಲಾಗಿದೆ.

ಬದುಕಿನ ಕೊನೆ ಘಟ್ಟದಲ್ಲಿರುವ ವೃದ್ಧನೊಬ್ಬನ ಕೊನೆಯಾಸೆಯನ್ನು ಪೂರ್ತಿ ಮಾಡಲು ನಾಯಕ ಮತ್ತು ಮತ್ತವನ ಸ್ನೇಹಿತರು ಮುಂದಾಗುತ್ತಾರೆ. ಆ ಆಸೆ ಏನು? ಅದಕ್ಕೆ ಎದುರಾಗುವ ಸಂಕಷ್ಟ ಏನು ಎನ್ನುವುದುನ್ನು ಹಾಸ್ಯದ ಅಂಶವನ್ನು ಸೇರಿಸಿ ಟ್ರೇಲರ್‌ನಲ್ಲಿ ತೋರಿಸಲಾಗಿದೆ.

ನಾಯಕನ ಪ್ರೇಮ ಕಥೆಯ ಜತೆ ಅರವಿಂದ ಬೋಳಾರ್, ನವೀನ್ ಡಿ ಪಡೀಲ್, ದೀಪಕ್ ರೈ ಪಾಣಾಜೆ, ಪುಷ್ಪರಾಜ್ ಅವರ ಕಾಮಿಡಿ ಟ್ರೇಲರ್‌ನಲ್ಲಿ ಗಮನ ಸೆಳೆದಿದೆ.

ಮಿಡಲ್‌ ಕ್ಲಾಸ್‌ ಫ್ಯಾಮಿಲಿ ಹಿಟ್‌ ಚಿತ್ರದ ಬಳಿಕ ವಿನೀತ್ ಕುಮಾರ್‌ ಅವರು 90 ಎಂಎಲ್‌ ಮೂಲಕ ಮತ್ತೆ ಜನರೆದುರು ಬರುತ್ತಿದ್ದಾರೆ. ಈ ಹಿಂದೆ ಗಿರ್ಗಿಟ್‌ ಸಿನಿಮಾದಲ್ಲಿ ಮಿಂಚಿದ್ದ ರುಹಾನಿ ಶೆಟ್ಟಿ 6-7 ವರ್ಷದ ಬಳಿಕ ಮತ್ತೆ ತುಳು ಪ್ರೇಕ್ಷಕರೆದುರು ಕಾಣಿಸಿಕೊಳ್ಳುತ್ತಿದ್ದಾರೆ.