ಷೇರುಪೇಟೆ ಸಂವೇದಿ ಸೂಚ್ಯಂಕ 1875.26 ಅಂಕಗಳ ಕುಸಿತದೊಂದಿಗೆ 76,281.16 ಅಂಕಗಳಲ್ಲಿ ವಹಿವಾಟು ಮುಂದುವರಿದಿದೆ. ಎನ್‌ ಎಸ್‌ ಇ ನಿಫ್ಟಿ ಕೂಡಾ 516.05 ಅಂಕಗಳ ಇಳಿಕೆಯೊಂದಿಗೆ 23,882.65 ಅಂಕಗಳ ಮಟ್ಟಕ್ಕೆ ಕುಸಿದಿದೆ.

ಮಧ್ಯಾಹ್ನದ ವಹಿವಾಟಿನ ವೇಳೆ ಷೇರುಪೇಟೆ ಸಂವೇದಿ ಸೂಚ್ಯಂಕ 493.80 ಅಂಕಗಳಷ್ಟು ಇಳಿಕೆಯೊಂದಿಗೆ 77,686.92 ಅಂಕಗಳಲ್ಲಿ ವಹಿವಾಟು ಮುಂದುವರಿದಿತ್ತು. ಎನ್‌ ಎಸ್‌ ಇ ನಿಫ್ಟಿ 147.55 ಅಂಕಗಳಷ್ಟು ಕುಸಿತ ಕಂಡಿದ್ದು, 24,251.15 ಅಂಕಗಳ ಮಟ್ಟ ತಲುಪಿತ್ತು.

ಬುಧವಾರದ ಮಧ್ಯಾಹ್ನದ ವಹಿವಾಟಿನಲ್ಲಿ ಸಂವೇದಿ ಸೂಚ್ಯಂಕ ಭಾರೀ ಪ್ರಮಾಣದಲ್ಲಿ ಕುಸಿತ ಕಂಡ ಪರಿಣಾಮ ಹೂಡಿಕೆದಾರರು 2 ಲಕ್ಷ ಕೋಟಿ ರೂಪಾಯಿಗಳಷ್ಟು ನಷ್ಟ ಅನುಭವಿಸುವಂತಾಗಿದೆ.

ಇಂದಿನ ವಹಿವಾಟಿನಲ್ಲಿ ಒಎನ್‌ ಜಿಸಿ, ಬಜಾಜ್‌ ಆಟೋ ಮತ್ತು ವಿಪ್ರೋ ಷೇರುಗಳು ಲಾಭಗಳಿಸಿದೆ. ಮತ್ತೊಂದೆಡೆ ಇಂಡಿಗೋ, ಜಿಯೋ ಫೈನಾನ್ಸ್‌, ಮಾರುತಿ, ಶ್ರೀರಾಮ್‌ ಫೈನಾನ್ಸ್‌, ಟಾಟಾ ಕನ್ಸೂಮರ್‌, ಬಜಾಜ್‌, ಮಹೀಂದ್ರ&ಮಹೀಂದ್ರ, ಎಚ್‌ ಡಿಎಫ್‌ ಸಿ ಲೈಫ್‌, ಬಿಇಎಲ್‌, ಐಟಿಸಿ, ಏಷಿಯನ್‌ ಪೇಂಟ್ಸ್‌, ರಿಲಯನ್ಸ್‌, ಕೋಟಕ್‌ ಬ್ಯಾಂಕ್‌ ಷೇರುಗಳು ನಷ್ಟ ಕಂಡಿದೆ.