ಸಾಮಾನ್ಯವಾಗಿ ದೊಡ್ಡ ಟೆಸ್ಟ್ ಸರಣಿಗೂ ಮುನ್ನ ಪ್ರವಾಸಿ ತಂಡ ಅಭ್ಯಾಸ ಪಂದ್ಯಗಳನ್ನು (Warm-up matches) ಆಡುವುದು ರೂಢಿ. ಆದರೆ 2027ರ ಜನವರಿಯಲ್ಲಿ ಆರಂಭವಾಗಲಿರುವ ಪ್ರತಿಷ್ಠಿತ ಐದು ಪಂದ್ಯಗಳ ಟೆಸ್ಟ್ ಸರಣಿಗೂ ಮುನ್ನ ಯಾವುದೇ ಸಾಂಪ್ರದಾಯಿಕ ಅಭ್ಯಾಸ ಪಂದ್ಯಗಳನ್ನು ಆಡದಿರಲು ಪ್ರವಾಸಿ ಆಸ್ಟ್ರೇಲಿಯಾ ತಂಡ ನಿರ್ಧರಿಸಿದೆ. ಸಾಂಪ್ರದಾಯಿಕ ಪಂದ್ಯಗಳಿಗಿಂತ ನಿಯಂತ್ರಿತ ವಾತಾವರಣದಲ್ಲಿ ಆಯೋಜಿಸುವ ವಿಶೇಷ ತರಬೇತಿ ಶಿಬಿರವೇ ಹೆಚ್ಚು ಪರಿಣಾಮಕಾರಿ ಎಂಬುದು ಕಾಂಗರೂಗಳ ಹೊಸ ಲೆಕ್ಕಾಚಾರವಾಗಿದೆ.

ಸರಣಿ ಆರಂಭಕ್ಕೆ ಇನ್ನೂ ಐದು ತಿಂಗಳಿಗೂ ಅಧಿಕ ಸಮಯವಿರುವಾಗಲೇ ಆಸ್ಟ್ರೇಲಿಯಾದ ಮುಖ್ಯ ತರಬೇತುದಾರ ಆಂಡ್ರ್ಯೂ ಮೆಕ್‌ ಡೊನಾಲ್ಡ್ ಅವರು ಈ ಮಾಸ್ಟರ್ ಪ್ಲಾನ್ಸಿದ್ಗೊಧಗೊಳಿಸಿದ್ದಾರೆ. 'cricket.com.au' ವೆಬ್‌ಸೈಟ್‌ಗೆ ನೀಡಿರುವ ಸಂದರ್ಶನದಲ್ಲಿ ಮಾತನಾಡಿದ ಅವರು, "ಭಾರತದ ವಾತಾವರಣಕ್ಕೆ ಹೊಂದಿಕೊಳ್ಳಲು ನಮಗೆ ಅಗತ್ಯ ಸಮಯವಿದೆ. ಆಟಗಾರರಿಗೆ ಸಾಕಷ್ಟು ಅನುಭವವೂ ಇರುವುದರಿಂದ ಪ್ರತ್ಯೇಕ ಅಭ್ಯಾಸ ಪಂದ್ಯಗಳನ್ನು ಆಡುವ ಅಗತ್ಯ ನಮಗನಿಸುತ್ತಿಲ್ಲ. ಬದಲಿಗೆ ಭಾರತದ ಹವಾಮಾನ ಮತ್ತು ಪಿಚ್ ಪರಿಸ್ಥಿತಿಗಳಿಗೆ ಸಂಪೂರ್ಣವಾಗಿ ಹೊಂದಿಕೊಳ್ಳುವಂತಹ ಪ್ರತ್ಯೇಕ ತರಬೇತಿ ಕೇಂದ್ರವನ್ನು ಆಯ್ಕೆ ಮಾಡಿ ಶಿಬಿರ ನಡೆಸಲಿದ್ದೇವೆ," ಎಂದು ಸ್ಪಷ್ಟಪಡಿಸಿದ್ದಾರೆ.