ಭಾಗವತ ಪುರಾಣವು ಹಿಂದೂ ಧರ್ಮಕ್ಕೆ ಸೇರಿದ ಪ್ರಮುಖ ಪುರಾಣಗಳಲ್ಲಿ ಒಂದಾಗಿದೆ. ಭಾಗವತ ಪುರಾಣವನ್ನು ಪಠಿಸುವುದರಿಂದ ಮಾತ್ರವಲ್ಲ ಕೇಳುವುದರಿಂದಲೂ ಸಾಕಷ್ಟು ಪ್ರಯೋಜನಗಳನ್ನು ಪಡೆದುಕೊಳ್ಳಬಹುದು. ಭಾಗವತ ಪುರಾಣವನ್ನು ಕೇಳುವುದರಿಂದ ನಮಗೆ ಯಾವೆಲ್ಲಾ ಪ್ರಯೋಜನಗಳಿವೆ ಎಂಬುದು ನಿಮಗೆ ತಿಳಿದಿದೆಯೇ.?

ಭಾಗವತ ಪುರಾಣವನ್ನೊಮ್ಮೆ ಕೇಳಿ.

ಭಾಗವತ ಪುರಾಣವನ್ನು ಒಂದೆರೆಡು ದಿನಗಳ ಕಾಲ ಪಠಿಸಿದರೆ ಅಥವಾ ಕೇಳಿದರೆ ನಿಮಗೆ ಅದರ ಪ್ರಯೋಜನವು ತಿಳಿಯದು. ನೀವು ಭಾಗವತ ಪುರಾಣವನ್ನು ನಿರಂತರವಾಗಿ 7 ದಿನಗಳ ಕಾಲ ಕೇಳುವುದರಿಂದ ಮಾನಸಿಕ ಶುದ್ದತೆಯನ್ನು ಮತ್ತು ಶುಚಿತ್ವವನ್ನು ಪಡೆದುಕೊಳ್ಳುತ್ತೀರಿ. ಭಾಗವತ ಪುರಾಣವನ್ನು 7 ದಿನಗಳ ಕಾಲ ಕೇಳುವುದರಿಂದ ಮೆದುಳು, ಮನಸ್ಸು ಮತ್ತು ಹೃದಯ ಶುದ್ಧವಾಗುವುದು ಎನ್ನುವ ನಂಬಿಕೆಯಿದೆ. PC:pexel

​ಭಾಗವತ ಪುರಾಣದಲ್ಲಿನ ಕಥೆಯನ್ನು ಕೇಳುವುದರಿಂದ ಹಿಂದೂ ಧರ್ಮದ ಆಚಾರ ವಿಚಾರಗಳ ಬಗ್ಗೆ ಜ್ಞಾನ ಮೂಡುತ್ತದೆ. ಹಿಂದೂ ಧರ್ಮದಲ್ಲಿ ಆಚರಿಸುವಂತಹ ಆಚರಣೆಗಳು, ಪಾಲಿಸುವಂತಹ ನಿಯಮಗಳು, ತತ್ವಶಾಸ್ತ್ರ, ಬ್ರಹ್ಮಾಂಡದ ಸೃಷ್ಟಿ, ಜನನ ಮರಣ ಮತ್ತು ಪುನರ್ಜನ್ಮ, ಸಪ್ತಲೋಕಗಳ ಪರಿಚಯ, ಆತ್ಮದ ಸಂಚಾರ, ಪರಮಾತ್ಮ, ಕಾಲದ ನಿಯಂತ್ರಣ, ಹಿಂದೂ ಧರ್ಮದ ಇತಿಹಾಸ, ಭವಿಷ್ಯದ ಬಗ್ಗೆ ಸಂಕ್ಷಿಪ್ತ ತಿಳುವಳಿಕೆಯನ್ನು ನೀಡುತ್ತದೆ. ಹಿಂದೂ ಧರ್ಮದಲ್ಲಿನ ಪ್ರತಿಯೊಂದು ಆಚರಣೆ, ಸಂಸ್ಕೃತಿಗಳ ಬಗ್ಗೆ ತಿಳಿದುಕೊಳ್ಳಬೇಕಾದರೆ ಭಾಗವತ ಪುರಾಣವನ್ನು ಕೇಳಬೇಕು.PC: pexel

ಭಾಗವತ ಕಥೆಯನ್ನು ಕೇಳುವುದರಿಂದ ಜೀವನದಿಂದ ಹತಾಶೆ ಮತ್ತು ನಕಾರಾತ್ಮಕತೆಯ ಭಾವನೆಗಳನ್ನು ತೆಗೆದುಹಾಕಲು ಸಹಾಯ ಮಾಡುತ್ತದೆ. ಇದು ಯಶಸ್ಸಿಗೆ ಅಗತ್ಯವಾದ ಸಕಾರಾತ್ಮಕತೆ ಮತ್ತು ಉತ್ಸಾಹವನ್ನು ತುಂಬುತ್ತದೆ. ಭಾಗವತ ಪುರಾಣವನ್ನು ವಿಮೋಚನೆಯ ಪಠ್ಯವೆಂದು ಪರಿಗಣಿಸಲಾಗುತ್ತದೆ. ಆದ್ದರಿಂದ ಪ್ರತಿಯೊಬ್ಬರೂ ತಮ್ಮ ಪೂರ್ವಜರ ಶಾಂತಿಗಾಗಿ ಇದನ್ನು ಪಠಿಸುವುದು ಉತ್ತಮ. ಇದರಿಂದ, ಎಲ್ಲಾ ರೀತಿಯ ಗ್ರಹ ದೋಷಗಳು, ಮಂಗಳ ದೋಷ, ಪಿತೃ ದೋಷ, ಶನಿ ದೋಷ, ರಾಹು ದೋಷ ಮತ್ತು ಎಲ್ಲಾ ರೀತಿಯ ದೋಷಗಳು ನಿವಾರಣೆಯಾಗುವುದು.PC: pexel

ಭಾಗವತ ಪುರಾಣದಲ್ಲಿನ ಕಥೆಗಳನ್ನು ಕೇಳುವುದರಿಂದ ಮಾನಸಿಕ ಮತ್ತು ದೈಹಿಕ ದುಃಖಗಳು ಕಡಿಮೆಯಾಗುವುದು. ಒತ್ತಡದಿಂದ ಮುಕ್ತಿ ದೊರೆಯುವುದು. ಜೀವನದುದ್ದಕ್ಕೂ ಸಂತೋಷ ಮತ್ತು ಶಾಂತಿ ಎಂಬುದು ದೊರೆಯುವುದು. ಆರೋಗ್ಯಕ್ಕೆ ಸಂಬಂಧಿಸಿದ ಸಮಸ್ಯೆಗಳನ್ನು ದೂರ ಮಾಡುವುದು. ಕೌಟುಂಬಿಕ ಅಶಾಂತಿಯನ್ನು ನಿವಾರಣೆ ಮಾಡಿ, ಹಣಕಾಸಿನ ಸಮೃದ್ಧಿಯನ್ನು ಮತ್ತು ಯೋಗಕ್ಷೇಮವನ್ನು ಉತ್ತೇಜಿಸಲು ಸಹಕರಿಸುವುದು. ಕುಟುಂಬದ ಸದಸ್ಯರೊಂದಿಗೆ ಕುಳಿತು ಭಾಗವತ ಪುರಾಣವನ್ನು ಕೇಳುವುದರಿಂದ ಎಲ್ಲಾ ಸದಸ್ಯರ ಯೋಗಕ್ಷೇಮ ವೃದ್ಧಿಯಾಗುವುದು.PC: pexel