ಈ ಸಭೆಯಲ್ಲಿ ಕ್ಲೋಸ್ಡ್-ಸೋರ್ಸ್ ಮತ್ತು ಓಪನ್-ವೇಟ್ AI ಮಾದರಿಗಳ ಮೇಲಿನ ಸಂಭಾವ್ಯ ನಿರ್ಬಂಧಗಳ ಕುರಿತು ಚರ್ಚೆ ನಡೆದಿದ್ದು, ಪ್ರಸ್ತಾವಿತ ಕ್ರಮಗಳ ವ್ಯಾಪ್ತಿಯು ಇನ್ನೂ ಪರಿಗಣನೆಯಲ್ಲಿದೆ ಎಂದು ಮೂಲಗಳು ಖಚಿತಪಡಿಸಿವೆ. ನಿರ್ಬಂಧಗಳು ಭವಿಷ್ಯದ AI ಮಾದರಿಗಳಿಗೆ ಮಾತ್ರ ಅನ್ವಯಿಸಬಹುದು ಮತ್ತು ಅವುಗಳನ್ನು ಯಾವಾಗ ಕಾರ್ಯಗತಗೊಳಿಸಲಾಗುತ್ತದೆ ಎಂಬುದು ಇನ್ನೂ ಸ್ಪಷ್ಟವಾಗಿಲ್ಲ.

ಅಲಿಬಾಬಾ, ಬೈಟ್‌ಡ್ಯಾನ್ಸ್ ಮತ್ತು ಎಐ (AI) ಸ್ಟಾರ್ಟಪ್ 'Z.ai' ಸೇರಿದಂತೆ, ಪ್ರಮುಖ ಚೀನೀ ತಂತ್ರಜ್ಞಾನ ಸಂಸ್ಥೆಗಳ ಪ್ರತಿನಿಧಿಗಳು ಈ ಸಭೆಗಳಲ್ಲಿ ಭಾಗವಹಿಸಿದ್ದರು. ಚರ್ಚೆಗಳು AI ತಂತ್ರಜ್ಞಾನಕ್ಕೆ ಕಾನೂನು ರಕ್ಷಣೆಗಳನ್ನು ಬಲಪಡಿಸುವುದನ್ನು ಒತ್ತಿ ಹೇಳಿವೆ. ಚೀನಾದ ರಾಷ್ಟ್ರೀಯ ಭದ್ರತಾ ಕಾನೂನಿನ ಅಡಿಯಲ್ಲಿ, AI ತಂತ್ರಜ್ಞಾನದ ಯಾವುದೇ ಸೋರಿಕೆ ಅಥವಾ ಕಳ್ಳತನವನ್ನು ಅಪರಾಧವೆಂದು ಪರಿಗಣಿಸಲು ಅಧಿಕಾರಿಗಳು ಪ್ರಸ್ತಾಪಿಸಿದ್ದಾರೆ.

ದೇಶೀಯ AI ಸ್ಟಾರ್ಟ್‌ಅಪ್‌ಗಳಲ್ಲಿ ಯಾರು ಹೂಡಿಕೆ ಮಾಡಬಹುದು ಎಂಬುದರ ಮೇಲೆ, ಕಠಿಣ ನಿರ್ಬಂಧಗಳನ್ನು ವಿಧಿಸುವ ಬಗ್ಗೆಯೂ ಈ ಸಭೆಯಲ್ಲಿ ಚರ್ಚೆ ನಡೆದಿದೆ ಎನ್ನಲಾಗಿದೆ. ಚೀನಾದ AI ಮಾದರಿಗಳು ಜಾಗತಿಕ ಆಕರ್ಷಣೆಯನ್ನು ವೇಗವಾಗಿ ಪಡೆಯುತ್ತಿರುವುದರಿಂದ ಈ ಕ್ರಮ ಕೈಗೊಳ್ಳಲಾಗಿದೆ. ಕಳೆದ ವರ್ಷ ಡೀಪ್‌ಸೀಕ್‌ನ R1 ಮಾದರಿ ಬಿಡುಗಡೆ ಮಾಡಿದಾಗಿನಿಂದ, ಚೀನಾದ ಡೆವಲಪರ್‌ಗಳು ಅನೇಕ ಪಾಶ್ಚಿಮಾತ್ಯ ಪ್ರತಿಸ್ಪರ್ಧಿಗಳಿಗಿಂತ ಗಮನಾರ್ಹವಾಗಿ ಕಡಿಮೆ ವೆಚ್ಚದಲ್ಲಿ ಹೆಚ್ಚು ಸಾಮರ್ಥ್ಯವಿರುವ AI ಸೌಲಭ್ಯಗಳನ್ನು ಒದಗಿಸುತ್ತಿದ್ದಾರೆ.


ವಿದೇಶಿ ಪ್ರವೇಶದ ಮೇಲಿನ ಯಾವುದೇ ನಿರ್ಬಂಧಗಳು ಕಡಿಮೆ-ವೆಚ್ಚದ ಮಾದರಿಗಳ ಲಭ್ಯತೆಯನ್ನು ಸೀಮಿತಗೊಳಿಸುವ ಮೂಲಕ, ಜಾಗತಿಕ AI ಮಾರುಕಟ್ಟೆಯಾದ್ಯಂತ ಅಲೆಗಳ ಪರಿಣಾಮಗಳನ್ನು ಬೀರಬಹುದು ಎಂದು ಉದ್ಯಮ ವೀಕ್ಷಕರು ಅಂದಾಜಿಸಿದ್ದಾರೆ. ಅಲಿಬಾಬಾದ ಕ್ವೆನ್ ಮತ್ತು ಬೈಟ್‌ಡ್ಯಾನ್ಸ್‌ನ ಡೌಬಾವೊ, ಚೀನಾದಲ್ಲಿ ಹೆಚ್ಚು ವ್ಯಾಪಕವಾಗಿ ಬಳಸಲಾಗುವ AI ಮಾದರಿಗಳಲ್ಲಿ ಒಂದಾಗಿವೆ.

ಬೀಜಿಂಗ್ ಮತ್ತು ವಾಷಿಂಗ್ಟನ್ ಎರಡರಲ್ಲೂ AI ನ ರಾಷ್ಟ್ರೀಯ ಭದ್ರತಾ ಪರಿಣಾಮಗಳ ಕುರಿತು ಕಳವಳಗಳು ಹೆಚ್ಚುತ್ತಿವೆ. ಬೀಜಿಂಗ್ ತನ್ನ AI ವಲಯದ ಮೇಲ್ವಿಚಾರಣೆಯನ್ನು ಬಲಪಡಿಸಲು ಈ ವರ್ಷ ಹಲವಾರು ಕ್ರಮಗಳನ್ನು ಪರಿಚಯಿಸಿದೆ. ಜೂನ್‌ನಲ್ಲಿ ಚೀನಾದ ಹೂಡಿಕೆದಾರರು
ತಂತ್ರಜ್ಞಾನ, ಡೇಟಾ ಮತ್ತು ರಾಷ್ಟ್ರೀಯ ಭದ್ರತೆಯನ್ನು ಒಳಗೊಂಡ ವಿದೇಶಿ ಒಪ್ಪಂದಗಳನ್ನು ನಿಯಂತ್ರಿಸುವ ನಿಯಮಗಳನ್ನು ಬಿಗಿಗೊಳಿಸಲಾಗಿದೆ.