ಪೂಜೆಯನ್ನು ಮಾಡುವಂತಹ ಸಂದರ್ಭದಲ್ಲಿ ನಿಮ್ಮ ಮನಸ್ಸು ಸಂಪೂರ್ಣವಾಗಿ ಪೂಜೆಯ ಮೇಲೆ ಹಾಗೂ ದೇವರ ಮೇಲೆ ಮಾತ್ರ ಕೇಂದ್ರೀಕೃತವಾಗಿರಬೇಕು. ಪೂಜೆ ಮಾಡುವಾಗ ಇತರರೊಂದಿಗೆ ಮಾತನಾಡುವುದು, ಮೊಬೈಲ್‌ ಫೋನ್‌ಗಳನ್ನು ಬಳಸುವುದು, ಟಿವಿ ನೋಡುವುದು ಅಥವಾ ಇನ್ನಿತರ ಕೆಲಸಗಳಲ್ಲಿ ನಮ್ಮನ್ನು ತೊಡಗಿಸಿಕೊಂಡಿರಬಾರದು. PC: unsplash

ದೇವರಿಗೆ ದೀಪ, ಧೂಪವನ್ನು ಹಚ್ಚಿಡುವಾಗ ಯಾವ ದಿಕ್ಕಿನಲ್ಲಿ ಹಚ್ಚಿಡಬೇಕು ಎಂಬುದನ್ನು ಸರಿಯಾಗಿ ತಿಳಿದುಕೊಂಡಿರಬೇಕು. ದೇವರಿಗೆ ದೀಪ ಮತ್ತು ಧೂಪವನ್ನು ಹಚ್ಚಿಡುವಂತಹ ಸಂದರ್ಭದಲ್ಲಿ, ಯಾವಾಗಲೂ ದೇವರ ಫೋಟೋ ಅಥವಾ ವಿಗ್ರಹದ ಬಲಭಾಗದಲ್ಲಿ ಹಚ್ಚಿಡಬೇಕು. ಈ ಭಾಗದಲ್ಲಿ ದೀಪ, ಧೂಪವನ್ನು ಹಚ್ಚಿಡುವುದು ಫಲಪ್ರದವೆಂದು ಪರಿಗಣಿಸಲಾಗುತ್ತದೆ. ದೀಪ, ದೀಪಕ್ಕೆ ಬಳಸುವ ಎಣ್ಣೆ, ಬತ್ತಿ ಎಲ್ಲವೂ ಸ್ವಚ್ಛ ಮತ್ತು ಶುದ್ಧವಾಗಿರಬೇಕು.PC: unsplash

ಮಂತ್ರಗಳ ಪ್ರಯೋಜನವನ್ನು ಪಡೆದುಕೊಳ್ಳಲು ಬಯಸಿದರೆ ಮೊದಲು ಅದನ್ನು ನಾವು ಸರಿಯಾದ ಉಚ್ಛಾರಣೆಯೊಂದಿಗೆ ಪಠಿಸಬೇಕು. ತಪ್ಪು ತಪ್ಪಾದ ಉಚ್ಛಾರಣೆಯಿಂದ ಮಂತ್ರವನ್ನು ಅಥವಾ ಸ್ತೋತ್ರವನ್ನು ಪಠಿಸಬಾರದು. ತಪ್ಪಾದ ಉಚ್ಛಾರಣೆಯಿಂದ ಮಂತ್ರವನ್ನು ಪಠಿಸುವುದರಿಂದ ಅದು ನಮ್ಮ ಮೇಲೆ ಕೆಟ್ಟ ಪರಿಣಾಮ ಬೀರುತ್ತದೆ. ಮಂತ್ರವನ್ನು ಪಠಿಸುವಾಗ ಮೌನವಾಗಿ, ಶಾಂತವಾದ ಮನಸ್ಸಿನಿಂದ ಪಠಿಸಬೇಕು.

PC: unsplash

ದೇವರನ್ನು ನಾವು ಪೂಜಿಸುವಂತಹ ಸಂದರ್ಭದಲ್ಲಿ ಶುದ್ಧವಾದ ಹಾಗೂ ಸ್ವಚ್ಛವಾದ ವಸ್ತುಗಳನ್ನೇ ಬಳಸಬೇಕು. ಪೂಜೆಯನ್ನು ಮಾಡುವಂತಹ ಸಂದರ್ಭದಲ್ಲಿ ಶುದ್ಧವಾದ ನೀರು, ತಾಜಾ ಹೂವು ಹಾಗೂ ಹಣ್ಣುಗಳು, ಪರಿಮಳಯುಕ್ತ ಹೂವುಗಳು ಹಾಗೂ ಇನ್ನಿತರ ಶುದ್ಧವಾದ ವಸ್ತುಗಳನ್ನೇ ಬಳಸಬೇಕು. ಹಳೆಯ ಅಥವಾ ಹಾಳಾದ ಹೂವುಗಳನ್ನು, ಒಣಗಿದ ಹೂವುಗಳನ್ನು ಅಥವಾ ಕೊಳಕು ಪಾತ್ರೆಗಳನ್ನು ಬಳಸಬಾರದು. PC: pixabay

ದೇವರ ಪೂಜೆಯನ್ನು ಮಾಡಿದರೆ ಸಾಲದು ದೇವರಿಗೆ ಕೃತಜ್ಞತೆಯನ್ನು ಸಲ್ಲಿಸುವುದು ಕೂಡ ತುಂಬಾನೇ ಮುಖ್ಯವಾಗಿರುತ್ತದೆ. ಈ ಕಾರಣಕ್ಕಾಗಿ ನೀವು ದೇವರ ಬಳಿ ಕೇಳುವುದಕ್ಕಿಂತ ಹೆಚ್ಚಾಗಿ ಕೃತಜ್ಞತೆಯನ್ನು ಸಲ್ಲಿಸಬೇಕು. ದೇವರ ಪೂಜೆಯನ್ನು ಮಾಡುವುದರ ಜೊತೆಗೆ ದೇವರಿಗೆ ಕೃತಜ್ಞತೆಯನ್ನು ಸಲ್ಲಿಸುವುದು ತುಂಬಾನೇ ಮುಖ್ಯವಾಗಿರುತ್ತದೆ.

ದೇವರ ಪೂಜೆಯನ್ನು ಮಾಡುವ ಸಮಯದಲ್ಲಿ ನಾವು ಮುಖ್ಯವಾಗಿ ಗಮನದಲ್ಲಿಟ್ಟುಕೊಳ್ಳಬೇಕಾದ ವಿಚಾರವೇನೆಂದರೆ ಶುಚಿತ್ವವನ್ನು ಕಾಪಾಡಿಕೊಳ್ಳುವುದಾಗಿದೆ. ಪೂಜೆ ಮಾಡುವ ಸ್ಥಳವನ್ನು ಸ್ವಚ್ಛವಾಗಿಟ್ಟುಕೊಳ್ಳಬೇಕು. ಕೊಳಕು ಅಥವಾ ಶುದ್ಧತೆಯಿರದ ಸ್ಥಳದಲ್ಲಿ ನಾವು ದೇವರ ಪೂಜೆಯನ್ನು ಮಾಡಬಾರದು. ಪೂಜೆಯನ್ನು ಪ್ರಾರಂಭಿಸುವ ಮೊದಲು ನಾವು ಪೂಜೆ ಮಾಡುವ ಸ್ಥಳವನ್ನು, ಮನೆಯನ್ನು ಸ್ವಚ್ಚವಾಗಿಟ್ಟುಕೊಳ್ಳಬೇಕು.