ಮುಂಬೈ: ಬಾಲಿವುಡ್‌ನಲ್ಲಿ, ಯಾರ ಹೆಸರು ಯಾವ ಸ್ಟಾರ್‌ ಜತೆ ಥಳಕು ಹಾಕಿಕೊಳ್ಳುತ್ತದೆಯೋ ಯಾವಾಗ ಬ್ರೇಕಪ್ ಸುದ್ದಿ ಮುನ್ನೆಲೆಗೆ ಬರಲು ಪ್ರಾರಂಭಿಸುತ್ತದೆಯೋ ಎಂಬುದು ಯಾರಿಗೂ ತಿಳಿದಿಲ್ಲ. ಪ್ರಸ್ತುತ, ಬಾಲಿವುಡ್‌ನ ಕಾರಿಡಾರ್‌ಗಳಲ್ಲಿ ನಟರಾದ ಆದಿತ್ಯ ರಾಯ್ ಕಪೂರ್ ಮತ್ತು ಸಾರಾ ಅಲಿ ಖಾನ್ ಬಾಲಿವುಡ್​ನ ಹೊಸ ಹಾಟ್ ಜೋಡಿಯಾಗಬಹುದು ಎಂಬ ವರದಿಗಳಿವೆ.

ಇದಕ್ಕೂ ಮುನ್ನ ಅನನ್ಯಾ ಪಾಂಡೆ ಜತೆಗೆ ಆದಿತ್ಯ ಹೆಸರು ಚರ್ಚೆಯಲ್ಲಿತ್ತು. ಇಬ್ಬರೂ ತಮ್ಮ ಸಂಬಂಧದ ಬಗ್ಗೆ ಬಹಿರಂಗವಾಗಿ ಮಾತನಾಡದಿದ್ದರೂ, ಅನೇಕ ಸಂದರ್ಭಗಳಲ್ಲಿ ಅಭಿಮಾನಿಗಳಿಗೆ ಅವರ ಸಂಬಂಧದ ಬಗ್ಗೆ ಸುಳಿವು ಸಿಕ್ಕಿತ್ತು.

ಇತ್ತೀಚೆಗಷ್ಟೇ ಆದಿತ್ಯ ಮತ್ತು ಅನನ್ಯಾ ಬ್ರೇಕಪ್ ಸುದ್ದಿ ಬೆಳಕಿಗೆ ಬಂದಿದೆ. ಅಂತಹ ಪರಿಸ್ಥಿತಿಯಲ್ಲಿ, ಈಗ ಆದಿತ್ಯ ಹೆಸರು ಸಾರಾಗೆ ಜೋಡಣೆಯಾಗಿದೆ.

ಬಾಲಿವುಡ್ ನಿರ್ದೇಶಕ ಅನುರಾಗ್ ಬಸು ಇತ್ತೀಚೆಗೆ ತಮ್ಮ ಹುಟ್ಟುಹಬ್ಬವನ್ನು ಆಚರಿಸಿಕೊಂಡರು. ಬಾಲಿವುಡ್ ತಾರೆಯರು ಅನುರಾಗ್ ಅವರ ಪಾರ್ಟಿಯಲ್ಲಿ ಭಾಗವಹಿಸಿದ್ದರು, ಆದರೆ, ಎಲ್ಲರ ಗಮನವು ಹೊಸದಾಗಿ ಸಿಂಗಲ್ ಹಂಕ್ಸ್ ಅಂದರೆ ಆದಿತ್ಯ ರಾಯ್ ಕಪೂರ್ ಮತ್ತು ಸಾರಾ ಅಲಿ ಖಾನ್ ಅವರತ್ತ ಸೆಳೆಯಿತು. ಅನುರಾಗ್ ಪಾರ್ಟಿಯ ವಿಡಿಯೋ ವೈರಲ್ ಆಗುತ್ತಿದೆ. ಈ ವೀಡಿಯೊದಲ್ಲಿ, ನಿರ್ದೇಶಕರು ತಮ್ಮ ಅತಿಥಿಗಳಿಗೆ ಹುಟ್ಟುಹಬ್ಬದ ಕೇಕ್ ನೀಡಲು ಸಮೀಪಿಸುತ್ತಿರುವುದನ್ನು ಕಾಣಬಹುದು. ಈ ಸಂದರ್ಭದಲ್ಲಿ, ಈ ಚಿತ್ರದಲ್ಲಿ ಸಾರಾ ಮತ್ತು ಆದಿತ್ಯ ಕೂಡ ಕಾಣಿಸಿಕೊಂಡಿದ್ದಾರೆ. ಈ ಚಿತ್ರ ಹೊರಬಿದ್ದ ಕೂಡಲೇ ಇಬ್ಬರ ಬಗ್ಗೆ ಚರ್ಚೆಗಳು ಬಿಸಿಯಾಗಿವೆ.

ನಿರ್ದೇಶಕ ಅನುರಾಗ್ ಬಸು ಅವರ ಮುಂಬರುವ ಚಿತ್ರ 'ಮೆಟ್ರೋ…ಇನ್ ದಿನೊ' ನಲ್ಲಿ ಆದಿತ್ಯ ರಾಯ್ ಕಪೂರ್ ಮತ್ತು ಸಾರಾ ಅಲಿ ಖಾನ್ ಕಾಣಿಸಿಕೊಳ್ಳಲಿದ್ದಾರೆ. ಇಂತಹ ಪರಿಸ್ಥಿತಿಯಲ್ಲಿ ಹಲವು ಅಭಿಮಾನಿಗಳು ಇವರಿಬ್ಬರನ್ನು ಒಟ್ಟಿಗೆ ನೋಡಿ ಸಿನಿಮಾಗೆ ಮಾತ್ರ ಇಬ್ಬರೂ ಜತೆಯಾಗಬಹುದು ಎಂದು ಹೇಳಿದರೆ, ಹಲವರು ರಿಲೇಶನ್ ಶಿಪ್​ನಲ್ಲಿದ್ದಾರೆ ಎಂದು ಹೇಳಿದ್ದಾರೆ.

'ಮೆಟ್ರೋ…ಇನ್ ದಿನೊ' ಸೆಪ್ಟೆಂಬರ್ 13, 2024 ರಂದು ಬಿಡುಗಡೆಯಾಗಲಿದೆ. ಈ ಚಿತ್ರವು ಅನುರಾಗ್ ಬಸು ಅವರ 2007 ರ ಚಲನಚಿತ್ರ 'ಲೈಫ್ ಇನ್ ಎ ಮೆಟ್ರೋ'ದ ಮುಂದುವರಿದ ಭಾಗವಾಗಿದೆ. 'ಮೆಟ್ರೋ ಇನ್ ದಿನೊ' ಚಿತ್ರದಲ್ಲಿ ಅನುಪಮ್ ಖೇರ್, ನೀನಾ ಗುಪ್ತಾ, ಪಂಕಜ್ ತ್ರಿಪಾಠಿ, ಕೊಂಕಣ ಸೇನ್ ಶರ್ಮಾ, ಅಲಿ ಫಜಲ್ ಮತ್ತು ಫಾತಿಮಾ ಸನಾ ಶೇಖ್ ಮುಂತಾದ ನಟರು ಕಾಣಿಸಿಕೊಳ್ಳಲಿದ್ದಾರೆ.

ಭಾರತದಲ್ಲಿ ಹಿಂದೂ ಧರ್ಮಿಯರ ಜನಸಂಖ್ಯೆ 7.8% ಕುಸಿತ; ಮುಸ್ಲಿಮರು 43.15%; ಕ್ರಿಶ್ಚಿಯನ್ನರು 5.38% ಹೆಚ್ಚಳ

ಒಂದು ತಿಂಗಳಲ್ಲಿ ಟಾಟಾ ಕಂಪನಿ ಷೇರು ಬೆಲೆ ರೂ. 497 ಕುಸಿತ: ದಿಗ್ಗಜ ಹೂಡಿಕೆದಾರ ಜುಂಜುನ್‌ವಾಲಾಗೆ ರೂ. 2300 ಕೋಟಿ ನಷ್ಟ

ಬುಧವಾರ ಒಂದೇ ದಿನದಲ್ಲಿ 20% ಏರಿಕೆ ಕಂಡ ಷೇರುಗಳು: ಗುರುವಾರವೂ ಈ ಸ್ಟಾಕ್​ಗಳಿಗೆ ಬೇಡಿಕೆಯ ನಿರೀಕ್ಷೆ