ವಾಷಿಂಗ್ಟನ್ ಡಿಸಿ: ಅಮೆರಿಕ ಮತ್ತು ಇರಾನ್ ನಡುವೆ ಎರಡು ವಾರಗಳ ಕದನ ವಿರಾಮ ಘೋಷಣೆಯಾಗಿ ಕೆಲವೇ ಗಂಟೆಗಳು ಕಳೆಯುವ ಮುನ್ನವೇ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್(Donald Trump) ಜಗತ್ತಿಗೆ ಹೊಸ ಆಘಾತ ನೀಡಿದ್ದಾರೆ. ಇರಾನ್ಗೆ ಮಿಲಿಟರಿ ಶಸ್ತ್ರಾಸ್ತ್ರಗಳನ್ನು ಪೂರೈಸುವ ಯಾವುದೇ ರಾಷ್ಟ್ರದ ಮೇಲೆ ತಕ್ಷಣದಿಂದ ಜಾರಿಗೆ ಬರುವಂತೆ ಶೇ.
ಯಾವುದೇ ವಿನಾಯಿತಿ ಇಲ್ಲ!: ಟ್ರಂಪ್ ಆರ್ಥಿಕ ಸರ್ಜಿಕಲ್ ಸ್ಟ್ರೈಕ್
ತಮ್ಮ ಟ್ರೂತ್ ಸೋಶಿಯಲ್ ಖಾತೆಯಲ್ಲಿ ಈ ಸ್ಫೋಟಕ ಮಾಹಿತಿ ಹಂಚಿಕೊಂಡಿರುವ ಟ್ರಂಪ್, ಇರಾನ್ಗೆ ಶಸ್ತ್ರಾಸ್ತ್ರ ಪೂರೈಸುವ ದೇಶವು ಅಮೆರಿಕಕ್ಕೆ ಮಾರಾಟ ಮಾಡುವ ಯಾವುದೇ ಮತ್ತು ಎಲ್ಲಾ ಸರಕುಗಳ ಮೇಲೆ ತಕ್ಷಣವೇ ಶೇ. 50 ರಷ್ಟು ಸುಂಕವನ್ನು ವಿಧಿಸಲಾಗುತ್ತದೆ. ಇದಕ್ಕೆ ಯಾವುದೇ ಎಕ್ಸ್ಕ್ಲೂಷನ್ ಅಥವಾ ವಿನಾಯಿತಿ ಇರುವುದಿಲ್ಲ ಎಂದು ಗುಡುಗಿದ್ದಾರೆ.ಇರಾನ್ ಮೇಲೆ ಭೀಕರ ದಾಳಿ ನಡೆಸಲು ನೀಡಿದ್ದ ಡೆಡ್ಲೈನ್ ಮುಗಿಯುವ ಕೆಲವೇ ಗಂಟೆಗಳ ಮೊದಲು ಕದನ ವಿರಾಮಕ್ಕೆ ಒಪ್ಪಿದ್ದ ಟ್ರಂಪ್, ಈಗ ಆ ರಾಷ್ಟ್ರಕ್ಕೆ ಬೆಂಬಲ ನೀಡುವವರ ಆರ್ಥಿಕತೆಯ ಮೇಲೆ ದಾಳಿ ಮಾಡಲು ಮುಂದಾಗಿದ್ದಾರೆ.
ಯುದ್ಧ ಇನ್ನೂ ಮುಗಿದಿಲ್ಲ": ಇರಾನ್ನಿಂದ ಮತ್ತೆ ಪ್ರಚೋದನೆ
ಒಂದೆಡೆ ಕದನ ವಿರಾಮ ಜಾರಿಯಲ್ಲಿದ್ದರೆ, ಇತ್ತ ಇರಾನ್ನ ಸರ್ವೋಚ್ಚ ನಾಯಕ ಮೊಜ್ತಾಬಾ ಖಮೇನಿ ನೀಡಿರುವ ಹೇಳಿಕೆ ಪರಿಸ್ಥಿತಿಯನ್ನು ಮತ್ತಷ್ಟು ಜಟಿಲಗೊಳಿಸಿದೆ. ಇದು ಯುದ್ಧದ ಅಂತ್ಯವಲ್ಲ. ಸರ್ವೋಚ್ಚ ನಾಯಕನ ಆದೇಶದಂತೆ ಕೇವಲ ಗುಂಡಿನ ಚಕಮಕಿಯನ್ನು ನಿಲ್ಲಿಸಲಾಗಿದೆ. ಯುದ್ಧ ಮುಗಿದಿದೆ ಎಂದು ಇದರರ್ಥವಲ್ಲ ಎಂದು ಹೇಳಿದ್ದಾರೆ.ಇದನ್ನು ಓದಿ: ಇರಾನ್ನಲ್ಲಿ ಸದ್ದಿಲ್ಲದೆ ಬದಲಾಯ್ತಾ ಆಡಳಿತ? ಟ್ರಂಪ್ ಈಗ ಶಾಂತಿ ಮಂತ್ರ ಜಪಿಸುತ್ತಿರುವುದೇಕೆ? 14 ದಿನಗಳ ಕದನ ವಿರಾಮದ ಹಿಂದೆ ಅಡಗಿದೆಯೇ ಬೃಹತ್ ಸಂಚು? Donald Trump
ಅಲ್ಲದೆ, ನಮ್ಮ ಕೈಗಳು ಇನ್ನೂ ಟ್ರಿಗರ್ ಮೇಲೆಯೇ ಇವೆ. ಶತ್ರುವಿನಿಂದ ಸಣ್ಣ ತಪ್ಪಾದರೂ ನಾವು ಪೂರ್ಣ ಬಲದೊಂದಿಗೆ ಮರುದಾಳಿ ನಡೆಸುತ್ತೇವೆ ಎಂದು ಎಚ್ಚರಿಸಿದ್ದಾರೆ. ಇದು ಕದನ ವಿರಾಮದ ಅಸ್ತಿತ್ವದ ಬಗ್ಗೆಯೇ ಪ್ರಶ್ನೆಗಳನ್ನು ಮೂಡಿಸಿದೆ.
ಪರಮಾಣು ಒಪ್ಪಂದದ ಬಗ್ಗೆ ತೀವ್ರ ಭಿನ್ನಾಭಿಪ್ರಾಯ
ಕದನ ವಿರಾಮದ ಷರತ್ತುಗಳಲ್ಲಿ ಇರಾನ್ ತನ್ನ ಯುರೇನಿಯಂ ಪುಷ್ಟೀಕರಣದ ಹಕ್ಕನ್ನು ಮಾನ್ಯ ಮಾಡಬೇಕು ಎಂದು ಬೇಡಿಕೆ ಇಟ್ಟಿತ್ತು. ಆದರೆ ಟ್ರಂಪ್ ಇದನ್ನು ಸ್ಪಷ್ಟವಾಗಿ ನಿರಾಕರಿಸಿದ್ದಾರೆ. ಇರಾನ್ನಲ್ಲಿ ಯಾವುದೇ ಯುರೇನಿಯಂ ಪುಷ್ಟೀಕರಣ ನಡೆಯುವುದಿಲ್ಲ. ಅಲ್ಲಿ ಹೂತುಹಾಕಲಾದ ಪರಮಾಣು ಧೂಳನ್ನು ಅಮೆರಿಕ ಹೊರತೆಗೆದು ನಾಶಪಡಿಸಲಿದೆ. ಅದೆಲ್ಲವೂ ನಮ್ಮ ಸ್ಯಾಟಲೈಟ್ ಕಣ್ಗಾವಲಿನಲ್ಲಿದೆ ಎಂದು ಟ್ರಂಪ್ ಹೇಳಿದ್ದಾರೆ.15 ಅಂಶಗಳ ಚೌಕಟ್ಟು ಮತ್ತು ಶಾಂತಿಯ ಭರವಸೆ?
ಇಷ್ಟೆಲ್ಲಾ ಕಠಿಣ ನಿಲುವುಗಳ ನಡುವೆಯೂ, ಇರಾನ್ ಮಂಡಿಸಿದ 15 ಅಂಶಗಳ ಪ್ರಸ್ತಾವನೆಯ ಪೈಕಿ ಹಲವು ಅಂಶಗಳಿಗೆ ಅಮೆರಿಕ ಒಪ್ಪಿಗೆ ಸೂಚಿಸಿದೆ ಎಂದು ಟ್ರಂಪ್ ತಿಳಿಸಿದ್ದಾರೆ. ಇರಾನ್ ಮೇಲಿನ ನಿರ್ಬಂಧಗಳ ತೆರವು ಮತ್ತು ಸುಂಕದ ವಿನಾಯಿತಿಗಳ ಬಗ್ಗೆ ಚರ್ಚಿಸಲು ತಾವು ಸಿದ್ಧರಿರುವುದಾಗಿ ಸುಳಿವು ನೀಡಿದ್ದಾರೆ. ಆದರೆ, ಇರಾನ್ಗೆ ಶಸ್ತ್ರಾಸ್ತ್ರ ನೀಡುವ ಚೀನಾ ಅಥವಾ ರಷ್ಯಾದಂತಹ ರಾಷ್ಟ್ರಗಳಿಗೆ ಟ್ರಂಪ್ ನೀಡಿರುವ ಶೇ. 50ರಷ್ಟು ಸುಂಕದ ಎಚ್ಚರಿಕೆ ಜಾಗತಿಕ ವ್ಯಾಪಾರ ವಲಯದಲ್ಲಿ ಭಾರಿ ತಲ್ಲಣ ಸೃಷ್ಟಿಸಿದೆ.ಭಾರತದ ಮೇಲೆ ಇದರ ಪರಿಣಾಮವೇನು..?
ಭಾರತವು ಇರಾನ್ನೊಂದಿಗೆ ಉತ್ತಮ ರಾಜತಾಂತ್ರಿಕ ಸಂಬಂಧ ಹೊಂದಿದ್ದರೂ, ಶಸ್ತ್ರಾಸ್ತ್ರ ಪೂರೈಕೆಯ ವಿಷಯದಲ್ಲಿ ಭಾರತ ಜಾಗರೂಕವಾಗಿದೆ. ಆದರೆ, ರಷ್ಯಾ ಅಥವಾ ಚೀನಾದಂತಹ ರಾಷ್ಟ್ರಗಳ ಮೇಲೆ ಅಮೆರಿಕ ವಿಧಿಸುವ ಇಂತಹ ಭಾರಿ ಸುಂಕಗಳು ಜಾಗತಿಕ ಸರಬರಾಜು ಸರಪಳಿಯ ಮೇಲೆ ಪರಿಣಾಮ ಬೀರಲಿದ್ದು, ಇದು ಪರೋಕ್ಷವಾಗಿ ಭಾರತದ ರಫ್ತು ಮತ್ತು ಆಮದಿನ ಮೇಲೂ ಪ್ರಭಾವ ಬೀರಬಹುದು.ಟ್ರಂಪ್ ಅವರ ಈ ನಡೆ ಇರಾನ್ ಅನ್ನು ಜಗತ್ತಿನಿಂದ ಒಂಟಿಯಾಗಿಸುವ ತಂತ್ರದಂತೆ ಕಾಣುತ್ತಿದೆ. ಕದನ ವಿರಾಮದ ನಡುವೆಯೂ ಈ ಆರ್ಥಿಕ ಸಮರವು ಮುಂದಿನ ಎರಡು ವಾರಗಳಲ್ಲಿ ಯಾವ ತಿರುವು ಪಡೆಯುತ್ತದೆ ಎಂಬುದು ಕುತೂಹಲಕಾರಿಯಾಗಿದೆ,(ಏಜೆನ್ಸೀಸ್).
ಇನ್ನಷ್ಟು ಓದಿ