ಜೋಯಿಡಾ: ಕೆಲಸಕ್ಕೆ ಹೋಗಿದ್ದ ಹೆಂಡತಿ ಮನೆಗೆ ತಡವಾಗಿ ಬಂದಿದ್ದಕ್ಕೆ, ಆಕೆಯ ಶೀಲದ ಮೇಲೆ ಅನುಮಾನಗೊಂಡ ಗಂಡ ಆಕೆಯನ್ನು ಕೊಚ್ಚಿ ಕೊಲೆ ಮಾಡಿದ ಅಮಾನವೀಯ ಪ್ರಕರಣವೊಂದು ನಡೆದಿದೆ.

ಪಲ್ಲವಿ ಪ್ರಕಾಶ್ ಕಟ್ಟಿಮುನಿ (29) ಮೃತಪಟ್ಟ ಮಹಿಳೆ. ಆಕೆಯ ಪತಿ ಪ್ರಕಾಶ್ ಕೊಲೆ ಆರೋಪಿ. ಉತ್ತರಕನ್ನಡ ಜಿಲ್ಲೆಯ ಜೋಯಿಡಾದ ಗಣೇಶಗುಡಿಯ ಮಣಿಕ್ಯಾಂಪ್ನಲ್ಲಿ ಈ ಕೊಲೆ ನಡೆದಿದೆ.

ಪಲ್ಲವಿ ಮನೆಗೆಲಸಕ್ಕೆ ಹೋಗುತ್ತಿದ್ದು, ಪತಿ ಪ್ರಕಾಶ್ಗೆ ಆಕೆಯ ಚಾರಿತ್ರ್ಯದ ಕುರಿತು ಅನುಮಾನವಿತ್ತು ಎನ್ನಲಾಗಿದೆ. ಅಲ್ಲದೆ ಮನೆಗೆಲಸಕ್ಕೆ ತೆರಳಿದ್ದ ಆಕೆ ತಡವಾಗಿ ಮರಳಿದ್ದು, ಪತಿಯ ಅನುಮಾನವನ್ನು ಮತ್ತಷ್ಟು ಹೆಚ್ಚಿಸಿತ್ತು. ಹೀಗಾಗಿ ತಡವಾಗಿ ಮನೆಗೆ ಬಂದ ಹೆಂಡತಿ ಮೇಲೆ ಸಿಟ್ಟಾದ ಪತಿ ಪ್ರಕಾಶ್ ಕೊಡಲಿಯಿಂದ ಆಕೆಯನ್ನು ಕೊಚ್ಚಿ ಕೊಲೆ ಮಾಡಿದ್ದಾನೆ.