RCB vs GT: ಇಂದು (ಏ.30) ಅಹಮದಾಬಾದ್​ನಲ್ಲಿ ಗುಜರಾತ್​ ಟೈಟನ್ಸ್ ಮತ್ತು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ನಡುವೆ ನಡೆದ 19ನೇ ಆವೃತ್ತಿಯ ಐಪಿಎಲ್​ ಪಂದ್ಯದಲ್ಲಿ ಜಿಟಿ ಸುಲಭ ಗೆಲುವು ದಾಖಲಿಸಿತು.
ಟಾಸ್​ ಗೆದ್ದ ಶುಭಮನ್​ ಗಿಲ್​, ಆರ್​ಸಿಬಿಗೆ ಮೊದಲು ಬ್ಯಾಟ್​ ಮಾಡುವಂತೆ ತಿಳಿಸಿದರು.

ಅಂತೆಯೇ, ಬ್ಯಾಟಿಂಗ್​ಗಿಳಿದ ಆರಂಭಿಕರಾದ ಜಾಕಬ್​ ಬೆಥಲ್​ ಮತ್ತು ವಿರಾಟ್​ ಕೊಹ್ಲಿ ಪೈಕಿ ಕೊಹ್ಲಿ ಸ್ಫೋಟಕ ಓಪನಿಂಗ್ ನೀಡಿದರು. ಸಿರಾಜ್​ ಬೌಲಿಂಗ್​ನಲ್ಲಿ ಕೇವಲ 5 ರನ್​ಗೆ ಬೆಥಲ್​ ವಿಕೆಟ್​ ಒಪ್ಪಿಸಿದರು. ಆದರೆ, ಕಗಿಸೋ ರಬಾಡ ಅವರ ಬೌಲಿಂಗ್​ನಲ್ಲಿ ಕಿಂಗ್​ ಕೊಹ್ಲಿ ಬ್ಯಾಕ್​ ಟು ಬ್ಯಾಕ್​ ಐದು ಬೌಂಡರಿ ಬಾರಿಸಿದರು. ಮೊದಲ 10 ಬಾಲ್​ಗೆ 28 ರನ್​ ಕಲೆಹಾಕಿದ ಕೊಹ್ಲಿ, ಹೆಚ್ಚು ಕಾಲ ಕ್ರೀಸ್​ಗೆ ಅಂಟಿ ನಿಲ್ಲುವಲ್ಲಿ ವಿಫಲರಾದರು.

ಟಾಪ್​ ಆರ್ಡರ್​ ಕುಸಿದ ಬೆನ್ನಲ್ಲೇ ಕಣಕ್ಕಿಳಿದ ದೇವದತ್ತ ಪಡಿಕಲ್​ (24 ಎಸೆತಗಳಲ್ಲಿ 40 ರನ್​) ಎಂದಿನಂತೆ ತಂಡಕ್ಕೆ ತಮ್ಮ ಕೊಡುಗೆ ನೀಡಿ ಹೊರಟರು. ಕ್ಯಾಪ್ಟನ್ ರಜತ್ ಪಾಟೀದಾರ್ (19)​, ಜಿತೇಶ್​ ಶರ್ಮ (1), ಟಿಮ್ ಡೇವಿಡ್ (9)​, ಕೃನಾಲ್​ ಪಾಂಡ್ಯ(4) ರೊಮಾರಿಯೋ ಶೆಫರ್ಡ್​ (17) ರಂತಹ ಸ್ಟಾರ್​ ಬ್ಯಾಟರ್​ಗಳು ಸ್ಫೋಟಕ ಬ್ಯಾಟಿಂಗ್​ ಪ್ರದರ್ಶನ ನೀಡಲು ತೀರ ಹೆಣಗಾಡಿದರು. ಜಿಟಿ ಪರ ಬೌಲಿಂಗ್ ಮಾಡಿದ ಮೊಹಮ್ಮದ್​ ಸಿರಾಜ್​, ಕಗಿಸೊ ರಬಾಡ ತಲಾ ಒಂದು ವಿಕೆಟ್​ ಪಡೆದರೆ, ರಶೀದ್​ ಖಾನ್​, ಜೇಸನ್​ ಹೋಲ್ಡರ್​, ಅರ್ಷದ್​ ಖಾನ್​ ತಲಾ ಎರಡು ವಿಕೆಟ್​ ಪಡೆದು ಮಿಂಚಿದರು.

ಆರ್​ಸಿಬಿ ನೀಡಿದ 156 ರನ್​ಗಳ ಸಾಧಾರಣ ಗುರಿಯನ್ನು ಸುಲಭವಾಗಿ ತಲುಪಿದ ಜಿಟಿಗೆ ಶುಭಮನ್​ಗಿಲ್​ (43), ಜಾಸ್​ ಬಟ್ಲರ್​(39) ಅವರ ಉತ್ತಮ ಇನ್ನಿಂಗ್ಸ್​ನಿಂದ ಇನ್ನೂ 25 ಬಾಲ್​ ಇರುವಂತೆಯೇ ಪಂದ್ಯ ಗೆದ್ದು ವಿಶೇಷ. ಕಳೆದ ಬಾರಿ ಇದೇ ಬೆಂಗಳೂರು ವಿರುದ್ಧ ಸೋತಿದ್ದ ಜಿಟಿ, ಇಂದಿನ ಪಂದ್ಯದಲ್ಲಿ ಸೋಲಿನ ಸೇಡನ್ನು ಕಡೆಗೂ ತೀರಿಸಿಕೊಂಡಿತು.

ಇನ್ನಷ್ಟು ಓದಿ