US-Iran War: ಫೆ.28ರಂದು ಇರಾನ್ ಶಾಲೆಗಳನ್ನು ಕ್ಷಿಪಣಿಗಳ ಮೂಲಕ ಛಿದ್ರಗೊಳಿಸಿದ ಅಮೆರಿಕ-ಇಸ್ರೇಲ್, 165ಕ್ಕೂ ಹೆಚ್ಚು ಅಮಾಯಕ ಮಕ್ಕಳನ್ನು ಬಲಿ ಪಡೆಯಿತು. ಇಲ್ಲಿಂದ ಶುರುವಾದ ಭೀಕರ ಯುದ್ಧವು ಇದೀಗ 36ನೇ ದಿನಕ್ಕೆ ಕಾಲಿಟ್ಟಿದೆ. ಅಮೆರಿಕ ಸೇನಾ ಪಡೆಯ ಫೈಟರ್ ಜೆಟ್ ಅನ್ನು ಹೊಡೆದುರುಳಿಸಿದ ಇರಾನ್ಗೆ ನಾಪತ್ತೆಯಾಗಿರುವ ಓರ್ವ ಪೈಲಟ್ ತಾಯಿ ಕಣ್ಣೀರು ಸದ್ಯ ಕಟುವಾಗಿ ಪ್ರತಿಕ್ರಿಯಿಸುವಂತೆ ಮಾಡಿದೆ.
ಈ ಮಧ್ಯೆ, ಕಾಣೆಯಾದ ಪೈಲಟ್ನ ತಾಯಿ ಮಾತನಾಡಿ, "ನಾಪತ್ತೆಯಾಗಿರುವ ಪೈಲಟ್ ನನ್ನ ಮಗ. ಅವನಿಂದ ಇಲ್ಲಿಯವರೆಗೆ ಯಾವುದೇ ಸುದ್ದಿಯನ್ನು ನಾನು ಕೇಳಿಲ್ಲ. ನೀವೆಲ್ಲರೂ ನನ್ನ ಮಗ ಮತ್ತು ಉಳಿದ ಪೈಲಟ್ಗಳ ಸುರಕ್ಷತೆ ಬಗ್ಗೆ ದೇವರಲ್ಲಿ ಪ್ರಾರ್ಥಿಸಿ" ಎಂದು ಕೇಳಿಕೊಂಡಿದ್ದಾರೆ. ಅವರ ಭಾವುಕ ಪೋಸ್ಟ್ ಹರಿದಾಡುತ್ತಿದ್ದಂತೆ ಪ್ರತಿಕ್ರಿಯಿಸಿರುವ ಆಫ್ಘಾನಿಸ್ತಾನ ಮತ್ತು ದಕ್ಷಿಣ ಆಫ್ರಿಕಾದಲ್ಲಿರುವ ಇರಾನಿನ ರಾಯಭಾರ ಕಚೇರಿಗಳು, "ನಿಮ್ಮ ಮಗ ಟ್ರಂಪ್ ಜೊತೆಗೆ ಇರೋದಕ್ಕಿಂತ ಇರಾನ್ ಸೆರೆಯಲ್ಲಿ ಇರುವುದು ಹೆಚ್ಚು ಸುರಕ್ಷಿತ" ಎಂದಿದೆ.
ಅಮೆರಿಕ ರಕ್ಷಣಾ ಪಡೆಗಳು ಅವನನ್ನು ಹುಡುಕುವವರೆಗೂ ಅವನು ಇರಾನ್ ಸೆರೆಯಲ್ಲಿ ಸುರಕ್ಷಿತವಾಗಿರಲಿ ಎಂದು ಪ್ರಾರ್ಥಿಸಿ ಎಂದು ಪಾಕಿಸ್ತಾನದಲ್ಲಿರುವ ಇರಾನಿನ ರಾಯಭಾರ ಕಚೇರಿ ಟ್ವೀಟ್ ಮಾಡಿದೆ. ಇನ್ನು ದಕ್ಷಿಣ ಆಫ್ರಿಕಾದಲ್ಲಿರುವ ಇರಾನಿನ ರಾಯಭಾರ ಕಚೇರಿ, ಇರಾನ್ ಕೈದಿಗಳನ್ನು ಗೌರವದಿಂದ ನಡೆಸಿಕೊಳ್ಳುತ್ತದೆ, ಇರಾನ್ ಬಹಳ ಪ್ರಾಚೀನ ನಾಗರಿಕತೆಯನ್ನು ಹೊಂದಿದೆ ಮತ್ತು ಅಮೆರಿಕದ ಮಿತ್ರ ಇಸ್ರೇಲ್ನಂತೆ ಕೈದಿಗಳನ್ನು ಕ್ರೂರವಾಗಿ ಹಿಂಸಿಸುವುದಿಲ್ಲ ಎಂದು ಪೋಸ್ಟ್ ಮಾಡಿದೆ,(ಏಜೆನ್ಸೀಸ್).
ಇನ್ನಷ್ಟು ಓದಿ