ನವದೆಹಲಿ: ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಮಾಜಿ ನಾಯಕ ವಿರಾಟ್ ಕೊಹ್ಲಿಯನ್ನು(Virat Kohli) ಮುಕ್ತಕಂಠದಿಂದ ಗುಣಗಾನ ಮಾಡಿದ ದಕ್ಷಿಣ ಆಫ್ರಿಕಾ ಮಾಜಿ ಆಟಗಾರ ಜಾಂಟಿ ರೋಡ್ಸ್ (Jonty Rhodes), ಆರ್ಸಿಬಿ ಆಟಗಾರ ಇತರೆ ಆಟಗಾರರಿಗಿಂತ ಹೇಗೆ ಭಿನ್ನರಾಗಿದ್ದಾರೆಂದು ವಿವರಿಸಿದ್ದಾರೆ.
ಟೈಮ್ಸ್ ನೌ ಜೊತೆ ಮಾತನಾಡಿದ ಅವರು, ಸುರೇಶ್ ರೈನಾ (Suresh Raina) ಅವರ ಫೀಲ್ಡಿಂಗ್ಗೆ ನಾನು ಯಾವಾಗಲೂ ದೊಡ್ಡ ಅಭಿಮಾನಿ ಎಂದರು. ಸುರೇಶ್ ರೈನಾ ಈಗಾಗಲೇ ಅಂತಾರಾಷ್ಟ್ರೀಯ ಕ್ರಿಕೆಟ್ಗೆ ವಿದಾಯ ಹೇಳಿದ್ದಾರೆ. ಯಾವ ರೀತಿಯಲ್ಲಿಯೂ ವಿರಾಟ್ ಕೊಹ್ಲಿ ಪರಿಪೂರ್ಣ ಫೀಲ್ಡರ್ ಅಲ್ಲ ಎಂದು ಹೇಳಿದ ರೋಡ್ಸ್, ಆಟದಲ್ಲಿನ ಅವರ ಅಗ್ರ ಮಟ್ಟದ ತೀವ್ರತೆ ಮತ್ತು ಅರ್ಪಣಾ ಮನೋಭಾವವನ್ನು ಅವರು ಗುಣಗಾನ ಮಾಡಿದ್ದಾರೆ.
"ನಾನು ಯಾವಾಗಲೂ ಸುರೇಶ್ ರೈನಾ ಅವರ ದೊಡ್ಡ ಅಭಿಮಾನಿಯಾಗಿದ್ದೆ, ವಿಶೇಷವಾಗಿ ಅವರ ಫೀಲ್ಡಿಂಗ್ ನೋಡಿದಾಗ. ಆದರೆ ಈಗಿನ ಫೀಲ್ಡಿಂಗ್ನಲ್ಲಿ ವ್ಯತ್ಯಾಸವನ್ನು ನೋಡಿದರೆ, ವಿರಾಟ್ ಕೊಹ್ಲಿ ಅವರಂತಹ ಆಟಗಾರರು ಬ್ಯಾಟಿಂಗ್ನಲ್ಲಿಯೂ, ಮೈದಾನದಲ್ಲಿಯೂ ಬಹಳ ಆಕ್ರಮಣಕಾರಿಯಾಗಿರುತ್ತಾರೆ, ಆದರೆ ಅವರು ಸದಾ ಆಟದಲ್ಲಿ ತೊಡಗಿಸಿಕೊಂಡಿರಲು ಬಯಸುತ್ತಾರೆ," ಎಂದು ಜಾಂಟಿ ರೋಡ್ಸ್ ತಿಳಿಸಿದ್ದಾರೆ.
PSL 2026: ಶತಕ ಸಿಡಿಸಿ ವಿರಾಟ್ ಕೊಹ್ಲಿ, ಅಭಿಷೇಕ್ ಶರ್ಮಾರ ದಾಖಲೆ ಸರಿಗಟ್ಟಿದ ಬಾಬರ್ ಆಝಮ್!
"ಆಟಗಾರನ ದೃಷ್ಟಿಯಿಂದ ನೋಡಿದರೆ, ಇದೇ ಮುಖ್ಯ ವಿಷಯ ಎಂದು ನಾನು ಭಾವಿಸುತ್ತೇನೆ. ಪ್ರತಿಯೊಂದು ಎಸೆತಕ್ಕೂ ಅವರು (ವಿರಾಟ್ ಕೊಹ್ಲಿ) ಸಿದ್ಧರಾಗಿರುತ್ತಾರೆ, ಏಕೆಂದರೆ ಮೈದಾನದಲ್ಲಿ ಪ್ರತಿಯೊಂದು ಕ್ಷಣವೂ ತಮ್ಮ ಕೊಡುಗೆ ನೀಡಲು ಬಯಸುತ್ತಾರೆ. ಅದರಿಂದಲೇ ಅವರನ್ನು ನೋಡುವುದು ಆಸಕ್ತಿದಾಯಕ. ಅವರು ಯಾವ ರೀತಿಯಲ್ಲಿಯೂ ಪರಿಪೂರ್ಣ ಫೀಲ್ಡರ್ ಅಲ್ಲ, ವಿಶೇಷವಾಗಿ ಅವರು ತಂಡವನ್ನು ಮುನ್ನಡೆಸುತ್ತಿದ್ದಾಗ. ನಾಯಕತ್ವದ ಹೊಣೆಗಾರಿಕೆಯಲ್ಲಿ ನಿಮ್ಮ ಮನಸ್ಸಿನಲ್ಲಿ ಹಲವಾರು ವಿಚಾರಗಳು ಓಡುತ್ತಿರುತ್ತವೆ, ಜೊತೆಗೆ ಚೆಂಡು ನಿಮ್ಮತ್ತ ಬರಬಹುದು ಎಂಬ ನಿರೀಕ್ಷೆಯೂ ಇರಬೇಕು."
"ಆದರೆ ಮೈದಾನದಲ್ಲಿನ ಅವರ ತೀವ್ರತೆಯನ್ನು ನೋಡಿದರೆ, ಅದೇ ಮುಖ್ಯ ಅಂಶ ಎಂಬುದು ಗೊತ್ತಾಗುತ್ತದೆ. ನೀವು ವಿಶ್ವದ ಅತ್ಯುತ್ತಮ ಫೀಲ್ಡರ್ ಆಗಿರಬೇಕೆಂಬ ಅಗತ್ಯವಿಲ್ಲ, ಆದರೆ ಪ್ರತಿಯೊಂದು ಎಸೆತದಲ್ಲೂ ಅತ್ಯುತ್ತಮ ತೀವ್ರತೆಯನ್ನು ನಿರಂತರವಾಗಿ ತೋರಿಸಬಹುದು. ವಿರಾಟ್ನ ಫೀಲ್ಡಿಂಗ್ ತೀವ್ರತೆಯನ್ನು ಗಮನಿಸಿದರೆ, ನಾನು ಹೇಳುವುದೇನು ಎಂಬುದು ನಿಮಗೆ ಸ್ಪಷ್ಟವಾಗುತ್ತದೆ," ಎಂದು ದಕ್ಷಿಣ ಅಫ್ರಿಕಾ ಆಟಗಾರ ಹೇಳಿದ್ದಾರೆ.
Virat Kohli 9000 Runs: ಐಪಿಎಲ್ ಟೂರ್ನಿಯಲ್ಲಿ ದೊಡ್ಡ ದಾಖಲೆ ಬರೆದ ವಿರಾಟ್ ಕೊಹ್ಲಿ!
ವಿರಾಟ್ ಕೊಹ್ಲಿ ತಮ್ಮ ಪೀಳಿಗೆಯ ಅತ್ಯುತ್ತಮ ಫೀಲ್ಡರ್ಗಳು ಮತ್ತು ಬ್ಯಾಟರ್ಗಳಲ್ಲಿ ಒಬ್ಬರಾಗಿದ್ದಾರೆ. ಅವರು ಯೋ-ಯೋ ಟೆಸ್ಟ್ ಅನ್ನು ಪರಿಚಯಿಸುವ ಮೂಲಕ ಭಾರತೀಯ ತಂಡದ ಫಿಟ್ನೆಸ್ ಮಾನದಂಡಗಳನ್ನು ಕ್ರಾಂತಿಕಾರಿಯಾಗಿ ಬದಲಾಯಿಸಿದ್ದಾರೆ. ಕೊಹ್ಲಿ ನಾಯಕತ್ವದ ಅವಧಿಯಲ್ಲಿ ಈ ಫಿಟ್ನೆಸ್ ಪರೀಕ್ಷೆಯನ್ನು ಆಯ್ಕೆಗಾಗಿ ಕಡ್ಡಾಯಗೊಳಿಸಲಾಗಿತ್ತು.
ಅದ್ಭುತ ಫಾರ್ಮ್ನಲ್ಲಿ ವಿರಾಟ್ ಕೊಹ್ಲಿ
ಪ್ರಸ್ತುತ ನಡೆಯುತ್ತಿರುವ 2026ರ ಇಂಡಿಯನ್ ಪ್ರೀಮಿಯರ್ ಲೀಗ್ ಟೂರ್ನಿಯಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಮಾಜಿ ನಾಯಕ ವಿರಾಟ್ ಕೊಹ್ಲಿ ಅತ್ಯುತ್ತಮ ಫಾರ್ಮ್ನಲ್ಲಿದ್ದಾರೆ. ಅವರು ಆಡಿದ 9 ಇನಿಂಗ್ಸ್ಗಳಿಂದ 54.14ರ ಸರಾಸರಿ ಹಾಗೂ 165.50ರ ಸ್ಟ್ರೈಕ್ ರೇಟ್ನಲ್ಲಿ 379 ರನ್ಗಳನ್ನು ಗಳಿಸಿದ್ದಾರೆ. ಇದರಲ್ಲಿ ಅವರು ಮೂರು ಅರ್ಧಶತಕಗಳನ್ನು ಗಳಿಸಿದ್ದಾರೆ.