ಕೊಲ್ಲಿಯಲ್ಲಿ ಸಿಕ್ಕಿಬಿದ್ದ ಹಲವಾರು ಹಡಗುಗಳು ಇರಾನಿನ ನೌಕಾಪಡೆಯಿಂದ ಪೂರ್ವಾನುಮತಿ ಪಡೆಯಬೇಕು ಎಂದು ಇರಾನ್‌ ತಿಳಿಸಿದೆ.

ಹಾರ್ಮೊಜ್‌ ಜಲಸಂಧಿಯನ್ನು ದಾಟುವ ಎಲ್ಲಾ ಹಡಗುಗಳು ಇರಾನ್‌ ನೌಕಾಪಡೆಯ ಅನುಮತಿ ಪಡೆದು ದಾಟಬೇಕು ಇಲ್ಲವೇ ನಾಶಪಡಿಸುತ್ತೇವೆ ಎಂದು ಇರಾನ್‌ ತಿಳಿಸಿದೆ ಎಂದು ಮಾಧ್ಯಮಗಳು ವರದಿ ಮಾಡಿವೆ. ಎರಡು ವಾರಗಳ ಕಾಲ, ಇರಾನ್‌ನ ಸಶಸ್ತ್ರ ಪಡೆಗಳ ಸಮನ್ವಯದ ಮೂಲಕ ಮತ್ತು ತಾಂತ್ರಿಕ ಮಿತಿಗಳನ್ನು ಪರಿಗಣಿಸುವ ಮೂಲಕ ಹಾರ್ಮುಜ್ ಜಲಸಂಧಿಯ ಮೂಲಕ ಸುರಕ್ಷಿತ ಮಾರ್ಗವನ್ನು ಸಾಧ್ಯವಾಗಿಸಲಾಗುತ್ತದೆ" ಎಂದು ಈ ಹಿಂದೆ ಇರಾನ್‌ ವಿದೇಶಾಂಗ ಸಚಿವ ತಿಳಿಸಿದ್ದರು.

ಈಗ, ಇರಾನ್ ನೌಕಾಪಡೆಯು ಪೂರ್ವಾನುಮತಿ ಇಲ್ಲದೆ ಜಲಸಂಧಿಯ ಮೂಲಕ ಹಾದುಹೋಗಲು ಪ್ರಯತ್ನಿಸುವ ಯಾವುದೇ ಹಡಗನ್ನು ಗುರಿಯಾಗಿಸಿಕೊಂಡು ನಾಶಪಡಿಸಬಹುದು ಎಂದು ಎಚ್ಚರಿಸಿದೆ, ಇದು ಕದನ ವಿರಾಮದ ಹೊರತಾಗಿಯೂ ಸಾಗಣೆಯನ್ನು ಕಟ್ಟುನಿಟ್ಟಾಗಿ ನಿರ್ಬಂಧಿಸಲಾಗಿದೆ ಎಂದು ಸೂಚಿಸುತ್ತದೆ. ಕದನ ವಿರಾಮಕ್ಕೂ ಮೊದಲೇ ಹಾರ್ಮುಜ್‌ ಜಲಸಂಧಿ ಭಾರತಕ್ಕೆ ತೆರೆದದೆ ಎಂದು ಇರಾನ್‌ ಭರವಸೆ ನೀಡಿದೆ. ಈ ವಿಚಾರದಲ್ಲಿ ಇರಾನ್‌ ಹಲವು ಬಾರಿ "ಭಾರತದಂತಹ ಮಿತ್ರರಾಷ್ಟ್ರಗಳಿಗೆ ಹಾರ್ಮುಜ್‌ ಜಲಸಂಧಿ ಸದಾ ತೆರೆದಿದೆ ಎಂದು ಹೇಳಿದೆ. ಇರಾನ್‌ನ ಈ ಭರವಸೆಗೆ ಪುಷ್ಠಿಯಾಗಿ ಸಂಘರ್ಷದ ಸಮಯದಲ್ಲಿ ಭಾರತದ 8 ಹಡಗುಗಳು ಹಾರ್ಮುಜ್‌ ಜಲಸಂಧಿ ದಾಟಿ ಸ್ವದೇಶಕ್ಕೆ ಮರಳಿವೆ.

ಮೋದಿ- ಟ್ರಂಪ್‌ ದೂರವಾಣಿ ಮಾತುಕತೆ; ಹಾರ್ಮೊಜ್‌ ಸೇರಿದಂತೆ ಮಧ್ಯ ಪ್ರಾಚ್ಯ ಬಿಕ್ಕಟ್ಟಿನ ಕುರಿತು ಚರ್ಚೆ

ಹಾರ್ಮೊಜ್‌ ಜಲಸಂಧಿಯ ಮೂಲಕ ಪ್ರತಿದಿನ ಸುಮಾರು 2 ಕೋಟಿ ಬ್ಯಾರೆಲ್ ತೈಲ ಈ ಮಾರ್ಗದ ಮೂಲಕ ಸಾಗುತ್ತದೆ. ವಿಶ್ವದ ಒಟ್ಟು ಎಲ್‌ಎನ್‌ಜಿ ಪೂರೈಕೆಯ ಶೇ. 20ರಷ್ಟು ಭಾಗ ಇಲ್ಲಿಂದಲೇ ಸಾಗುತ್ತದೆ. ಇಲ್ಲಿಂದ ರಫ್ತಾಗುವ ಶೇ. 84ರಷ್ಟು ತೈಲ ಏಷ್ಯಾದ ಮಾರುಕಟ್ಟೆಗಳಿಗೆ ಹೋಗುತ್ತದೆ.