ದಕ್ಷಿಣ ಆಫ್ರಿಕಾದ ಎಡಗೈ ಬ್ಯಾಟರ್ ಕ್ವಿಂಟನ್ ಡಿ ಕಾಕ್ ಅವರು ಕೆರಿಬಿಯನ್ ಪ್ರೀಮಿಯರ್ ಲೀಗ್ನ ಬಾರ್ಬಡೋಸ್ ಟ್ರೈಡೆಂಟ್ಸ್ ಮತ್ತು ಸೇಂಟ್ ಕಿಟ್ಸ್ ಮತ್ತು ನೆವಿಸ್ ಪೇಟ್ರಿಯಾಟ್ಸ್ ನಡುವಿನ ಪಂದ್ಯದ ಶತಕ ಬಾರಿಸುವ ಮೂಲಕ ವಿರಾಟ್ ಕೊಹ್ಲಿ ಮತ್ತು ಡೇವಿಡ್ ವಾರ್ನರ್ ದಾಖಲೆಯೊಂದನ್ನು ಸರಿಗಟ್ಟಿದ್ದಾರೆ.
T20 ಕ್ರಿಕೆಟ್ನಲ್ಲಿ ಡಿ ಕಾಕ್ 10ನೇ ಶತಕ ಬಾರಿಸುವ ಮೂಲಕ ಕೊಹ್ಲಿ ಮತ್ತು ವಾರ್ನರ್ ಜತೆ ಜಂಟಿ ಮೂರನೇ ಸ್ಥಾನ ಹಂಚಿಕೊಂಡರು.
ಪಂದ್ಯದಲ್ಲಿ, ಆರಂಭಿಕ ಆಟಗಾರ 57 ಎಸೆತಗಳಲ್ಲಿ 11 ಬೌಂಡರಿಗಳು ಮತ್ತು ಆರು ಸಿಕ್ಸರ್ಗಳನ್ನು ಒಳಗೊಂಡಂತೆ 185.96 ಸ್ಟ್ರೈಕ್ ರೇಟ್ನಲ್ಲಿ 106 ರನ್ ಗಳಿಸಿದರು. ಬಾರ್ಬಡೋಸ್ ತಂಡವು ಬ್ರಾಂಡನ್ ಕಿಂಗ್ ಅವರ ವಿಕೆಟ್ ಅನ್ನು ಬೇಗನೆ ಕಳೆದುಕೊಂಡ ನಂತರ ಅವರು ಬ್ಯಾಟಿಂಗ್ಗೆ ಬಂದರು.
ಜವಾಬ್ದಾರಿಯು ಬ್ಯಾಟಿಂಗ್ ಮೂಲಕ ಆಟದ ದಿಕ್ಕನ್ನು ಬದಲಾಯಿಸಿದರು. ಪ್ರಸ್ತುತ ಪರಿಸ್ಥಿತಿಯಲ್ಲಿ, ಕ್ರಿಸ್ ಗೇಲ್ ಮತ್ತು ಬಾಬರ್ ಅಜಮ್ ಮಾತ್ರ ಟಿ20ಗಳಲ್ಲಿ ಹೆಚ್ಚು ಶತಕಗಳನ್ನು ಗಳಿಸಿದ್ದಾರೆ. ವೆಸ್ಟ್ ಇಂಡೀಸ್ನ ಮಾಜಿ ಆರಂಭಿಕ ಆಟಗಾರ 22 ಶತಕಗಳನ್ನು ಗಳಿಸಿದರೆ, ಬಾಬರ್ 13 ಶತಕಗಳನ್ನು ಗಳಿಸಿದ್ದಾರೆ.
ಚೀನಾ ಮಾಸ್ಟರ್ಸ್; 16ರ ಸುತ್ತಿಗೆ ತನ್ವಿ ಶರ್ಮಾ, ಸೋತು ಹೊರಬಿದ್ದ ಲಕ್ಷ್ಯ ಸೇನ್
ಏತನ್ಮಧ್ಯೆ, ಕ್ವಿಂಟನ್ ಟಿ20 ಕ್ರಿಕೆಟ್ನಲ್ಲಿ 12867 ರನ್ ಗಳಿಸಿದ್ದಾರೆ ಮತ್ತು ಅದರೊಂದಿಗೆ, ಅವರು ಅತಿ ಹೆಚ್ಚು ರನ್ ಗಳಿಸಿದವರ ಪಟ್ಟಿಯಲ್ಲಿ ಒಂಬತ್ತನೇ ಸ್ಥಾನದಲ್ಲಿದ್ದಾರೆ. ಕೀರನ್ ಪೊಲಾರ್ಡ್ 751 ಪಂದ್ಯಗಳಿಂದ 14,933 ರನ್ ಗಳಿಸಿ, 31.77 ಸರಾಸರಿ ಮತ್ತು 151.17 ಸ್ಟ್ರೈಕ್ ರೇಟ್ ಗಳಿಸುವ ಮೂಲಕ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದ್ದಾರೆ. ಪೊಲಾರ್ಡ್ ಎರಡು ಟಿ20 ಶತಕ ಬಾರಿಸಿದ್ದಾರೆ.
ಬಾರ್ಬಡೋಸ್ ತಂಡಕ್ಕೆ ಆರು ವಿಕೆಟ್ ಸೋಲು
ಡಿ ಕಾಕ್ ಶತಕದ ಹೊರತಾಗಿಯೂ, ಬಾರ್ಬಡೋಸ್ ಸೋಲು ಕಂಡಿತು. ಟ್ರೈಡೆಂಟ್ಸ್ 20 ಓವರ್ಗಳಲ್ಲಿ ನಾಲ್ಕು ವಿಕೆಟ್ಗಳಿಗೆ 217 ರನ್ ಗಳಿಸಿತು. ಜಕಾರಿ ಕಾರ್ಟರ್ 36 ಎಸೆತಗಳಲ್ಲಿ ಒಂದು ಬೌಂಡರಿ ಮತ್ತು ಏಳು ಸಿಕ್ಸರ್ಗಳು ಸೇರಿದಂತೆ 57 ರನ್ಗಳೊಂದಿಗೆ ಡಿ ಕಾಕ್ಗೆ ಬೆಂಬಲ ನೀಡಿದರು. ಶೆರ್ಫೇನ್ ರುದರ್ಫೋರ್ಡ್ 16 ಎಸೆತಗಳಲ್ಲಿ 26 ರನ್ ಗಳಿಸಿದರು. ಸೇಂಟ್ ಕಿಟ್ಸ್ ಪರ ನಸೀಮ್ ಶಾ 43 ರನ್ಗಳಿಗೆ ಎರಡು ವಿಕೆಟ್ ಪಡೆದರು.
ಸೇಂಟ್ ಕಿಟ್ಸ್ ತಂಡ ಜಾನ್ಸನ್ ಚಾರ್ಲ್ಸ್ ಮತ್ತು ಕೈಲ್ ಮೇಯರ್ಸ್ ನೇತೃತ್ವದಲ್ಲಿ ಬಲಿಷ್ಠ ಪ್ರತ್ಯುತ್ತರ ನೀಡಿತು. ಈ ಜೋಡಿ 112 ರನ್ ಸೇರಿಸಿತು. ಚಾರ್ಲ್ಸ್ 45 ಎಸೆತಗಳಲ್ಲಿ 78 ರನ್ ಮತ್ತು ಮೇಯರ್ಸ್ 27 ಎಸೆತಗಳಲ್ಲಿ 29 ರನ್ ಗಳಿಸಿದರು. ದಾಸುನ್ ಶನಕ 22 ಎಸೆತಗಳಲ್ಲಿ 36 ರನ್ ಗಳಿಸಿ ತಂಡವನ್ನು ಗೆಲುವಿನ ದಡ ಸೇರಿಸಿದರು. ನಂತರ ಆಂಡ್ರೆ ಫ್ಲೆಚರ್ ಎಂಟು ಎಸೆತಗಳಲ್ಲಿ ಅಜೇಯ 22 ರನ್ ಗಳಿಸಿದರೆ, ವನಿಂದು ಹಸರಂಗ ನಾಲ್ಕು ಎಸೆತಗಳಲ್ಲಿ ಅಜೇಯ 18 ರನ್ ಗಳಿಸಿದರು.