ಇವರು ವಿಮಾನಯಾನದ ತೆರೆಯ ಹಿಂದಿನ ವೀರರು. ಇವರು ಎಂಜಿನ್ ನಿರ್ವಹಣೆಯ ತಂತ್ರಜ್ಞರು.

ಇವರು ವಿಮಾನಯಾನವನ್ನು ಸುರಕ್ಷಿತ ಮತ್ತು ಪರಿಣಾಮಕಾರಿಯಾಗಿ ಇರಿಸುವಲ್ಲಿ ನಿರ್ಣಾಯಕ ಪಾತ್ರ ವಹಿಸುತ್ತಾರೆ. ಜೆಟ್ ಎಂಜಿನ್ ನಿರ್ವಹಣೆಯು ಸಂಕೀರ್ಣ ಹಾಗೂ ಅತ್ಯಂತ ಸೂಕ್ಷ್ಮ ಕಾರ್ಯಾ ಚರಣೆಯಾಗಿದ್ದು, ನಿಖರತೆ, ಪರಿಣತಿ ಮತ್ತು ಅತ್ಯಾಧುನಿಕ ತಂತ್ರಜ್ಞಾನವನ್ನು ಅಪೇಕ್ಷಿಸುತ್ತದೆ. ಇವರು ನಿಜಕ್ಕೂ Unsung Heroes. ಜೆಟ್ ಎಂಜಿನ್‌ಗಳು ಎಂಜಿನಿಯರಿಂಗ್‌ನ ಅದ್ಭುತ ವಿಸ್ಮಯಗಳು. ಅವು ವಿಪರೀತ ತಾಪಮಾನ, ಒತ್ತಡ ಮತ್ತು ವೇಗದಲ್ಲಿ ಕಾರ್ಯನಿರ್ವಹಿಸುತ್ತವೆ.

ಕಾಲಾನಂತರದಲ್ಲಿ, ಅವುಗಳಲ್ಲಿ ಸವೆತ ಮತ್ತು ಹರಿತ (wear and tear) ಕಾಣಿಸಿಕೊಳ್ಳಬಹುದು. ಬಾಹ್ಯ ವಸ್ತುಗಳಿಂದಾಗುವ ಹಾನಿ (FOD- Foreign Object Damage), ಉಷ್ಣ ಒತ್ತಡ (thermal stress) ಮುಂತಾದ ಸಂಗತಿಗಳಿಂದ ಇವುಗಳ ಕಾರ್ಯಕ್ಷಮತೆ ಕುಗ್ಗಬಹುದು. ನಿರ್ವಹಣಾ ತಂಡಗಳು ಈ ಯಂತ್ರಗಳು ಉತ್ತಮ ಮತ್ತು ಉನ್ನತ ಸ್ಥಿತಿಯಲ್ಲಿರುವಂತೆ ನೋಡಿಕೊಳ್ಳುತ್ತವೆ.

Vinayaka M Bhat Column: ಗ್ರಂಥಾಲಯಗಳಿಂದ ದೂರವುಳಿದ ಆಧುನಿಕ ಸಮಾಜ

ವಿಮಾನಗಳ ಎಂಜಿನ್ ಅನ್ನು ಸಂಪೂರ್ಣವಾಗಿ ಬಿಚ್ಚದೇ, ಬೋರ್‌ಸ್ಕೋಪ್‌ನಂಥ (ವಿಶೇಷ ಕೆಮೆರಾ ಗಳಿರುವ ತೆಳುವಾದ ಕೊಳವೆಗಳು) ಉಪಕರಣಗಳನ್ನು ಬಳಸಿ ಆಂತರಿಕ ಘಟಕಗಳನ್ನು ಪರಿಶೀಲಿಸ ಲಾಗುತ್ತದೆ. ಇದು ಸಣ್ಣ ಬಿರುಕುಗಳು, ಸವೆತ ಅಥವಾ ಯಾವುದೇ ಅಸಹಜತೆಗಳನ್ನು ಪತ್ತೆ ಹಚ್ಚಲು ಸಹಾಯಕ. ಒಂದು ನಿರ್ದಿಷ್ಟ ಸಂಖ್ಯೆಯ ಹಾರಾಟದ ಒಟ್ಟೂ ಅವಧಿ ಅಥವಾ ನಿರ್ದಿಷ್ಟ ಕಾಲಾ ನಂತರ ಎಂಜಿನ್‌ಗಳನ್ನು ಸಂಪೂರ್ಣವಾಗಿ ಬಿಚ್ಚಿ, ಪ್ರತಿ ಭಾಗವನ್ನು ಪರಿಶೀಲಿಸಿ, ದುರಸ್ತಿ ಮಾಡಲಾಗುತ್ತದೆ ಅಥವಾ ಬದಲಾಯಿಸಲಾಗುತ್ತದೆ.

ಯಂತ್ರಗಳ ಕಾರ್ಯಕ್ಷಮತೆ ಪರೀಕ್ಷೆ (Performance Testing)ಯನ್ನು ಆಗಾಗ ನಡೆಸಲಾಗುತ್ತದೆ. ಇಂಧನ ದಕ್ಷತೆ ಮತ್ತು ಇತರ ಪ್ರಮುಖ ಕಾರ್ಯಕ್ಷಮತೆಯನ್ನು ಪರಿಶೀಲಿಸಲಾಗುತ್ತದೆ. ಇದು ಎಂಜಿನ್ ವಿಮಾನದಲ್ಲಿ ಹಾರುವ ಮೊದಲು ಸುರಕ್ಷಿತವಾಗಿ ಮತ್ತು ಪರಿಣಾಮಕಾರಿಯಾಗಿ ಕಾರ್ಯ ನಿರ್ವಹಿಸುತ್ತಿದೆ ಎಂಬುದನ್ನು ಖಚಿತಪಡಿಸುತ್ತದೆ.

ಇತ್ತೀಚಿನ ವರ್ಷಗಳಲ್ಲಿ ಎಂಜಿನ್ ನಿರ್ವಹಣೆಯಲ್ಲಿ ಸುಧಾರಿತ ತಂತ್ರಜ್ಞಾನಗಳನ್ನು ಬಳಸಿಕೊಳ್ಳ ಲಾಗುತ್ತದೆ. ಉದಾಹರಣೆಗೆ, ಕೃತಕ ಬುದ್ಧಿಮತ್ತೆ (ಎಐ) ಮತ್ತು ಸೆನ್ಸಾರ್‌ಗಳಿಂದ (ಸಂವೇದಕಗಳು) ಪಡೆದ ಡೇಟಾವನ್ನು ಬಳಸಿಕೊಂಡು, ಎಂಜಿನ್ ವೈಫಲ್ಯಗಳು ಸಂಭವಿಸುವ ಮೊದಲೇ ಅವು ಗಳನ್ನು ಊಹಿಸಲಾಗುತ್ತದೆ. ಎಂಜಿನ್‌ನ ವಿವಿಧ ಭಾಗಗಳಿಂದ ನಿರಂತರವಾಗಿ ತಾಪಮಾನ, ಕಂಪನ, ಒತ್ತಡಕ್ಕೆ ಸಂಬಂಧಿಸಿದ ಡೇಟಾವನ್ನು ಸಂಗ್ರಹಿಸಲಾಗುತ್ತದೆ. ಈ ಡೇಟಾವನ್ನು ವಿಶ್ಲೇಷಿಸಿ, ಯಾವುದೇ ಭಾಗವು ವಿಫಲವಾಗುವ ಸಾಧ್ಯತೆಯನ್ನು ಆರಂಭಿಕ ಹಂತದಲ್ಲಿಯೇ ಗುರುತಿಸ ಲಾಗುತ್ತದೆ.

ಇದು ಯೋಜಿತ ನಿರ್ವಹಣೆಗೆ ಅವಕಾಶ ನೀಡುತ್ತದೆ. ಇದು ಅನಿರೀಕ್ಷಿತ ವೈಫಲ್ಯಗಳನ್ನು ಮತ್ತು ವಿಮಾನ ವಿಳಂಬಗಳನ್ನು ತಪ್ಪಿಸುತ್ತದೆ. ಲೇಸರ್ ತಂತ್ರeನವನ್ನು ಬಳಸಿಕೊಂಡು ಎಂಜಿನ್ ಘಟಕಗಳಿಂದ ಇಂಗಾಲದ ನಿಕ್ಷೇಪಗಳು ಮತ್ತು ಇತರ ಕಲ್ಮಶಗಳನ್ನು ನಿಖರವಾಗಿ ಸ್ವಚ್ಛಗೊಳಿಸ ಲಾಗುತ್ತದೆ. ಜತೆಗೆ, ಹೊಸ ತಂತ್ರಜ್ಞಾನದ ಲೇಪನಗಳನ್ನು (coatings) ಬಳಸಿ ಘಟಕಗಳ ಬಾಳಿಕೆ ಯನ್ನು ಹೆಚ್ಚಿಸಲಾಗುತ್ತದೆ. ಈ ಲೇಪನಗಳು ಸವೆತ, ತುಕ್ಕು ಮತ್ತು ಹೆಚ್ಚಿನ ತಾಪಮಾನದಿಂದ ರಕ್ಷಣೆ ನೀಡುತ್ತವೆ ಮತ್ತು ಎಂಜಿನ್‌ನ ಕಾರ್ಯಕ್ಷಮತೆಯನ್ನು ದೀರ್ಘಕಾಲದವರೆಗೆ ಕಾಪಾಡಿಕೊಳ್ಳಲು ಸಹಾಯ ಮಾಡುತ್ತವೆ.

ತೆರೆಯ ಹಿಂದಿನ ವಿಮಾನ ನಿರ್ವಹಣಾ ವೀರರಿಗೆ ಅಂದರೆ ತಂತ್ರಜ್ಞರಿಗೆ ಪ್ರಯಾಣಿಕರು ಸದಾ ಋಣಿ ಯಾಗಿರಬೇಕು. ಅವರ ನಿಖರವಾದ ಮತ್ತು ಶ್ರದ್ಧೆಯ ಕೆಲಸವು ಲಕ್ಷಾಂತರ ಪ್ರಯಾಣಿಕರು ತಮ್ಮ ಗಮ್ಯಸ್ಥಾನಗಳನ್ನು ಸುರಕ್ಷಿತವಾಗಿ ತಲುಪಲು ಅನುವು ಮಾಡಿಕೊಡುತ್ತದೆ. ಅವರು ಕೇವಲ ಯಂತ್ರ ಗಳನ್ನು ದುರಸ್ತಿ ಮಾಡುವುದಿಲ್ಲ, ಬದಲಿಗೆ ಲಕ್ಷಾಂತರ ಜನರ ಜೀವಗಳನ್ನು ಮತ್ತು ವಿಮಾನಯಾನ ಉದ್ಯಮದ ವಿಶ್ವಾಸಾರ್ಹತೆಯನ್ನು ಕಾಪಾಡುತ್ತಾರೆ. ಅವರ ಕಠಿಣ ಪರಿಶ್ರಮ ಮತ್ತು ಸಮರ್ಪಣೆ ಇಲ್ಲದೆ, ಇಂದಿನ ಆಧುನಿಕ ವಿಮಾನಯಾನ ಸಾಧ್ಯವಾಗುತ್ತಿರಲಿಲ್ಲ.