ഇന്ത്യൻ സൂപ്പർ ലീഗില്‍ കേരളാ ബ്ലാസ്റ്റേഴ്സിന്റെ ഹോം മത്സരം കൊച്ചി കലൂർ സ്റ്റേഡിയത്തില്‍ തന്നെ നടക്കും. വാടക കാര്യത്തില്‍ ബ്ലാസ്റ്റേഴ്സും - ജിസിഡിഎയും തമ്മില്‍ ഏകദേശ ധാരണയായി.
അന്തിമ തീരുമാനം നാളെ ഉണ്ടാകും. മന്ത്രി തല ഇടപെടലിനെ തുടർന്നാണ് തർക്കത്തിന് ഏറെക്കുറെ പരിഹാരമായത്.
8-9 ലക്ഷം രൂപയാണ് ജിസിഡിഎ വാടകായി ആവശ്യപ്പെട്ടിരുന്നത്. പ്രതിസന്ധി ഒഴിഞ്ഞതോടെ ടിക്കറ്റ് വില്‍പന ഉടൻ തുടങ്ങും. ബ്ലാസ്റ്റേഴ്‌സ് ഇളവ് തേടി തദ്ദേശ വകുപ്പിനെ സമീപിച്ചിരുന്നു. തുടർന്ന് തദ്ദേശ വകുപ്പ് ജിസിഡിഎ സെക്രട്ടറിയോട് റിപ്പോർട്ട്‌ തേടി. സർക്കാർ ഉത്തരവ് ഉണ്ടെങ്കില്‍ ഇളവ് നല്‍കാമെന്ന് ജിസിഡിഎ മറുപടി നല്‍കി. മത്സരം നടക്കാൻ മണിക്കൂറുകള്‍ ബാക്കി നില്‍ക്കെയാണ് തീരുമാനം.
Story Highlights : Kerala Blasters' match to be held in Kochi; agreement reached on rental terms