ഒട്ടേറെപ്പേർക്കു പരുക്കേറ്റു. യുക്രെയ്നിലെ സുമിയിലുള്ള കുസും ഗ്രൂപ്പിന്റെ മരുന്നുകമ്പനിക്കു നേരെയാണ് ആക്രമണമുണ്ടായത്. പ്ലാന്റ് പൂർണമായും തകർന്നു. 400 കോടി രൂപയിലേറെ നഷ്ടമുണ്ടായെന്നാണ് വിവരം. മരണസംഖ്യ കൂടാൻ സാധ്യതയുള്ളതായി അധികൃതർ പറയുന്നു.

ഇന്ത്യയില്‍നിന്നുള്ള മരുന്നുകള്‍ യുക്രെയ്നിലേക്കു കയറ്റി അയയ്ക്കുന്ന കുസും ഗ്രൂപ്പ് 1994 ലാണ് ആരംഭിച്ചത്. ഇന്ത്യക്കാരനായ രാജീവ് ഗുപ്തയാണ് നിലവിലെ ഉടമ. 2002 ല്‍ കുസും ഗ്രൂപ്പ് മറ്റ് കമ്പനികളുടെ മരുന്നുകള്‍ വിതരണം ചെയ്യുന്നത് അവസാനിപ്പിച്ചു സ്വന്തമായി മരുന്നു നിർമാണത്തിലേക്കു കടന്നു. 2007 ല്‍ ഇന്ത്യയിലും 2009 ല്‍ യുക്രെയ്നിലും പ്ലാന്റുകള്‍ തുറന്നു. ഇന്ത്യയില്‍ വീണ്ടും ഇവർ രണ്ട് പ്ലാന്റുകള്‍ കൂടി നിർമിച്ചു. നിലവില്‍ 50 ലേറെ ജനറിക് മരുന്നുകള്‍ നിർമിക്കുന്ന കുസും ഗ്രൂപ്പ് ഒൻപതു രാജ്യങ്ങളിലേക്കു മരുന്നുകള്‍ കയറ്റി അയയ്ക്കുന്നുണ്ട്.