ഇറാനിലെ യുദ്ധസാഹചര്യങ്ങളും സമാധാന ചർച്ചകളും തുടരുന്ന പശ്ചാത്തലത്തില്, തന്റെ മൂത്ത മകൻ ഡോണള്ഡ് ട്രംപ് ജൂനിയറിന്റെ വിവാഹച്ചടങ്ങില് പങ്കെടുക്കാൻ സാധിക്കുമോ എന്ന കാര്യത്തില് സംശയമുണ്ടെന്ന് യുഎസ് പ്രസിഡന്റ് ഡോണള്ഡ് ട്രംപ്.
ബഹാമാസില് വച്ച് നടക്കുന്ന ലളിതവും സ്വകാര്യവുമായ ചടങ്ങില് പങ്കെടുക്കാൻ താൻ പരമാവധി ശ്രമിക്കുമെന്നും, എന്നാല് ഇറാൻ വിഷയം ഉള്പ്പെടെയുള്ള അന്താരാഷ്ട്ര പ്രതിസന്ധികള് നിലനില്ക്കുന്നതിനാല് ഇത് ഒട്ടും അനുയോജ്യമായ സമയമല്ലെന്നും വൈറ്റ് ഹൗസില് മാധ്യമപ്രവർത്തകരോട് സംസാരിക്കവെ അദ്ദേഹം വ്യക്തമാക്കി.
താൻ വിവാഹത്തില് പങ്കെടുത്താലും ഇല്ലെങ്കിലും മാധ്യമങ്ങള് അതിനെ തെറ്റായ രീതിയില് മാത്രമേ ചിത്രീകരിക്കൂ എന്ന് ട്രംപ് പരിഹസിച്ചു. ചടങ്ങിന് പോയാലും പോയില്ലെങ്കിലും 'വ്യാജ വാർത്തകള്' നല്കുന്ന മാധ്യമങ്ങള് തന്നെ ക്രൂശിക്കുമെന്നും, അതിനാല് ഇതൊരു തോല്ക്കാൻ മാത്രം സാധ്യതയുള്ള കളിയാണെന്നും അദ്ദേഹം കൂട്ടിച്ചേർത്തു. ഈ ആഴ്ചാവസാനമാണ് 48 കാരനായ ട്രംപ് ജൂനിയറും പ്രമുഖ റിയല് എസ്റ്റേറ്റ് ശൃംഖലയായ 'ദി ട്രംപ് ഓർഗനൈസേഷന്റെ' എക്സിക്യൂട്ടീവ് വൈസ് പ്രസിഡന്റുമായ ട്രംപ് ജൂനിയറും മോഡലായ ബെറ്റിന ആൻഡേഴ്സനും തമ്മിലുള്ള വിവാഹം നിശ്ചയിച്ചിരിക്കുന്നത്.