തമിഴ്നാട് മുഖ്യമന്ത്രി സി. ജോസഫ് വിജയ്യും തൃഷയും പ്രധാന വേഷങ്ങളിലെത്തിയ സൂപ്പർഹിറ്റ് ചിത്രം **'തിരുപ്പാച്ചി'**യുടെ റീ-റിലീസ് മാറ്റിവെച്ചു.
ഒക്ടോബർ ഒന്നിന് ചിത്രം വീണ്ടും തിയറ്ററുകളിലെത്തുമെന്നായിരുന്നു നേരത്തെ പ്രഖ്യാപിച്ചിരുന്നത്.
വിജയ്യുടെ മകൻ ജേസണ് സഞ്ജയ് ആദ്യമായി സംവിധാനം ചെയ്യുന്ന 'സിഗ്മ' ഒക്ടോബർ രണ്ടിന് റിലീസ് ചെയ്യാനിരിക്കെയാണ് 'തിരുപ്പാച്ചി'യുടെ റീ-റിലീസ് മാറ്റിയത്. പുതിയ ചിത്രങ്ങള്ക്ക് കൂടുതല് അവസരം നല്കുന്നതിനായാണ് റിലീസ് മാറ്റുന്നതെന്ന് വിതരണക്കാരായ തിരുപ്പതി ഫിലിംസ് അറിയിച്ചു.
സംവിധായകൻ പേരരശിന്റെ ആദ്യ സംവിധാന സംരംഭമായിരുന്നു 'തിരുപ്പാച്ചി'. മല്ലിക, പശുപതി, മനോജ് കെ. ജയൻ, കോട്ട ശ്രീനിവാസ റാവു, ലിവിങ്സ്റ്റണ്, ബെഞ്ചമിൻ തുടങ്ങിയവരും ചിത്രത്തില് പ്രധാന വേഷങ്ങളിലെത്തിയിരുന്നു.
2005-ലെ പൊങ്കല് റിലീസായി തിയറ്ററുകളിലെത്തിയ 'തിരുപ്പാച്ചി' അക്കാലത്തെ ശ്രദ്ധേയമായ വാണിജ്യ വിജയങ്ങളിലൊന്നായിരുന്നു. ചിത്രത്തിന് തെലുങ്കില് 'അന്നവരം' എന്ന പേരിലും കന്നഡയില് 'തങ്കിഗാഗി' എന്ന പേരിലും റീമേക്ക് ഒരുങ്ങിയിരുന്നു.