തൃശൂര്: നാലുവയസുകാരി ഇരുന്ന ഓട്ടോ നിയന്ത്രണം വിട്ട് കിണറ്റിലേക്ക് മറിഞ്ഞു. പെണ്കുട്ടി അപകടത്തില് നിന്നും അത്ഭുതകരമായി രക്ഷപ്പെട്ടു.
തൃശ്ശൂര് ജില്ലയിലെ കുന്നംകുളത്താണ് സംഭവം.
മരത്തംകോട് സ്വദേശി ബിന്നി വര്ഗീസിന്റെ മകള് എല്സയാണ് അപകടത്തില്പ്പെട്ടത്. വീട്ടുമുറ്റത്ത് നിര്ത്തിയിട്ടിരുന്ന ഇലക്ട്രിക് ഓട്ടോയിലിരുന്ന് കളിക്കുകയായിരുന്ന കുട്ടി. ഇതിനിടെ കുട്ടിയുടെ കൈ അബദ്ധത്തില് തട്ടി ഓട്ടോ സ്റ്റാര്ട്ട് ആകുകയായിരുന്നു.
വീട്ടുമുറ്റത്തെ കിണറിന്റെ ആള്മറ തകര്ത്ത് ഓട്ടോ കിണറ്റില് വീണു. കുഞ്ഞിനെ അയല്വാസിയായ ആള് കിണറ്റില് ഇറങ്ങി രക്ഷപ്പെടുത്തി. കുട്ടിക്ക് വലിയ പരിക്കുകള് ഇല്ലെന്നാണ് വിവരം. വൈകീട്ട് മുന്ന് മണിയോടെയാണ് സംഭവം. വിവരം അറിഞ്ഞ് ഫയര്ഫോഴ്സ് ഉള്പ്പടെ സ്ഥലത്ത് എത്തിയിരുന്നു.