പ്രധാനമന്ത്രി നരേന്ദ്ര മോദിയും ഇറ്റാലിയൻ പ്രധാനമന്ത്രി ജോർജിയ മെലോനിയും തമ്മിലുള്ള വൈറല്‍ 'മെലോഡി' (Melodi) വീഡിയോ ഇരുവരും ചേർന്ന് പുനഃസൃഷ്ടിച്ചതാണ് ആരാധകരെ ആവേശത്തിലാഴ്ത്തിയത്.

ക്യാരിമിനാറ്റിയുടെ ഇൻസ്റ്റാഗ്രാം അക്കൗണ്ടില്‍ പങ്കുവെച്ച ഈ വീഡിയോ മണിക്കൂറുകള്‍ക്കുള്ളില്‍ ലക്ഷക്കണക്കിന് ആളുകളാണ് കണ്ടത്. 'ദശകത്തിലെ ഏറ്റവും മികച്ച ക്രോസ്സോവർ' എന്നാണ് ആരാധകർ ഇതിനെ വിശേഷിപ്പിക്കുന്നത്. ഇറ്റലി സന്ദർശന വേളയില്‍ പ്രധാനമന്ത്രി മോദി മെലഡി മിട്ടായി ജോർജിയ മെലോനിക്ക് നല്‍കിയിരുന്നു. ആ വീഡിയോ സോഷ്യല്‍ മീഡിയ ഏറ്റെടുത്തതാണ്. ഇതിനെത്തുടർന്ന് 'മെലോഡി' എന്ന പേരില്‍ നിരവധി മീമുകളും പ്രചരിച്ചിരുന്നു.

ഈ മീമിന്റെ ജനപ്രീതി തിരിച്ചറിഞ്ഞാണ് ക്യാരിമിനാറ്റിയും മിസ്റ്റർ ബീസ്റ്റും ചേർന്ന് അതേ ശൈലിയില്‍ വീഡിയോ ചെയ്തത്. അജയ് നാഗർ സന്തോഷത്തോടെ ക്യാമറയ്ക്ക് മുന്നിലെത്തുമ്പോള്‍ മിസ്റ്റർ ബീസ്റ്റും അതേ തന്മയത്വത്തോടെ വീഡിയോയില്‍ നിറയുന്നു. ഫെബ്രുവരി 2026-ല്‍ പ്രഖ്യാപിച്ചതുപോലെ, മിസ്റ്റർ ബീസ്റ്റിന്റെ വമ്പൻ റിയാലിറ്റി ഷോയായ 'ബീസ്റ്റ് ഗെയിംസ് സീസണ്‍ 2'-ല്‍ ക്യാരിമിനാറ്റിയും മത്സരാർത്ഥിയായി എത്തുന്നുണ്ട്. 5 മില്യണ്‍ ഡോളർ (ഏകദേശം 41 കോടിയിലേറെ രൂപ) സമ്മാനത്തുകയുള്ള ചരിത്രത്തിലെ തന്നെ ഏറ്റവും വലിയ റിയാലിറ്റി ഷോയാണിത്.