ന്യൂഡല്ഹി : നീറ്റ് പരീക്ഷാ ചോദ്യപേപ്പർ ചോർച്ചയെ ചൊല്ലി രാജ്യതലസ്ഥാനമായ ഡല്ഹി ജന്തർ മന്തറില് കഴിഞ്ഞ ഒരു മാസത്തിലേറെയായി തുടർന്നുവന്ന പ്രക്ഷോഭത്തിന് അന്ത്യമായി.
പ്രക്ഷോഭം അവസാനിപ്പിച്ചതായി കോക്രോച്ച് ജനതാ പാർട്ടി വാർത്താ സമ്മേളനത്തില് പ്രഖ്യാപിച്ചു. ശനിയാഴ്ച വൈകുന്നേരം സിജെപി വക്താക്കളായ സൗരവ് ദാസ്, അശുതോഷ് രാങ്ക എന്നിവരും കേന്ദ്ര മന്ത്രിമാരായ ജെ.പി. നദ്ദ, ഡോ. ജിതേന്ദ്ര സിംഗ് എന്നിവരും ചേർന്ന് നടത്തിയ സംയുക്ത വാർത്താസമ്മേളനത്തിലാണ് ജന്തർ മന്തറിലെ സമരം പൂർണ്ണമായും പിൻവലിച്ചതായും പ്രക്ഷോഭകർ സമാധാനപരമായി വീടുകളിലേക്ക് മടങ്ങണമെന്നും ഔദ്യോഗിക പ്രഖ്യാപനമുണ്ടായത്.
പ്രക്ഷോഭകരും സർക്കാരും തമ്മില് നടന്ന മൂന്നാം ഘട്ട ഔദ്യോഗിക ചർച്ചയിലാണ് അന്തിമ ധാരണയിലെത്തിയത്. തുടക്കത്തില് രോഗബാധിതനായി വിശ്രമത്തിലായിരുന്ന സിജെപി സ്ഥാപകൻ അഭിജീതീത് ദിപ്കെ, മന്ത്രിയുടെ രാജി പ്രക്ഷോഭത്തിന്റെ ഒന്നാം ഘട്ട വിജയം മാത്രമാണെന്നും മറ്റ് ആവശ്യങ്ങള് കൂടി അംഗീകരിക്കണമെന്നും കടുത്ത നിലപാടെടുത്തിരുന്നു. പിന്നീട് വൈകുന്നേരത്തോടെ നടന്ന നിർണ്ണായക ചർച്ചകള്ക്ക് പിന്നാലെ സമരം അവസാനിപ്പിക്കുന്നതായി പ്രഖ്യാപിക്കുകയായിരുന്നു.