ആകാശം… അതൊരു യുദ്ധക്കളമാകുമ്പോള്‍, ശത്രുവിന്റെ കണ്ണുകളെ അന്ധരാക്കാൻ നമുക്കൊരു മിന്നല്‍പ്പിണർ വേണമായിരുന്നു.
അതെ, ഇന്ത്യൻ വ്യോമസേനയും ഡി.ആർ.ഡി.ഒയും ചേർന്ന് വിസ്മയം സൃഷ്ടിച്ചിരിക്കുന്നു! നമ്മുടെ സ്വന്തം മണ്ണില്‍ പിറന്ന 'രുദ്രം-II'. ശത്രുവിന്റെ റഡാറുകളെ വെറുമൊരു നിഴല്‍പോലും അറിയാതെ തകർക്കാൻ കെല്‍പ്പുള്ള ആന്റി-റേഡിയേഷൻ മിസൈല്‍! ഇത് കേവലം ഒരു പരീക്ഷണമല്ല, ഇത് ഇന്ത്യയുടെ കരുത്തിന്റെ പ്രഖ്യാപനമാണ്!'
സുഖോയ്-30 എം.കെ.ഐ എന്ന ആകാശത്തെ രാജാവില്‍ നിന്ന് വിക്ഷേപിക്കപ്പെട്ട രുദ്രം-II കുതിച്ചുയർന്നത് ശബ്ദത്തേക്കാള്‍ വേഗതയിലാണ്. മാക് 5.5 വേഗത - അതായത് മണിക്കൂറില്‍ അയ്യായിരത്തിലധികം കിലോമീറ്റർ! 300 കിലോമീറ്റർ അകലെയുള്ള ശത്രുവിന്റെ ഒളിത്താവളങ്ങള്‍, അവരുടെ റഡാറുകള്‍, കമ്മ്യൂണിക്കേഷൻ ടവറുകള്‍… 200 കിലോഗ്രാം ഭാരമുള്ള പോർമുനയുമായി ഈ മിസൈല്‍ ലക്ഷ്യത്തിലേക്ക് കുതിക്കുമ്പോള്‍ തകർന്നു വീഴുന്നത് ശത്രുവിന്റെ പ്രതിരോധക്കോട്ടകളാണ്.'
ഈ മിസൈലിന്റെ പ്രത്യേകത എന്താണെന്നോ? ശത്രുവിന്റെ റഡാറുകള്‍ ഓഫ് ചെയ്താല്‍പ്പോലും ഇത് ലക്ഷ്യം തെറ്റില്ല! ഇതിലുള്ള അത്യാധുനിക പാസ്സീവ് സീക്കർ സാങ്കേതികവിദ്യ വഴി, മുൻപ് ശേഖരിച്ച വിവരങ്ങള്‍ ഉപയോഗിച്ച്‌ അത് ശത്രുവിനെ കൃത്യമായി തേടിപ്പിടിക്കും. 3 കിലോമീറ്റർ മുതല്‍ 15 കിലോമീറ്റർ വരെ ഉയരത്തില്‍ പറക്കുന്ന യുദ്ധവിമാനങ്ങളില്‍ നിന്ന് ഏത് കഠിനമായ സാഹചര്യത്തിലും ഇത് വിക്ഷേപിക്കാം. ഹൈദരാബാദിലെ റിസർച്ച്‌ സെന്റർ ഇമ്രാത്ത്, ഭാരത് ഡയനാമിക്സ് ലിമിറ്റഡ്, അദാനി ഡിഫൻസ് എന്നിവരുടെ കൂട്ടായ പ്രവർത്തനത്തിന്റെ ഫലമാണിത്. ചാണ്ഡിപൂരിലെ ഇന്റഗ്രേറ്റഡ് ടെസ്റ്റ് റേഞ്ച് (ഐടിആർ) വിന്യസിച്ച വിവിധ റേഞ്ച് ഉപകരണങ്ങള്‍ പകർത്തിയ ഫ്ലൈറ്റ് ഡാറ്റ സ്ഥിരീകരിച്ചതുപോലെ എല്ലാ പരീക്ഷണ ലക്ഷ്യങ്ങളും പൂർണ്ണമായും കൈവരിക്കപ്പെട്ടു,' എന്ന് പ്രതിരോധ മന്ത്രാലയം പ്രസ്താവനയില്‍ അറിയിച്ചു
ഇന്ത്യൻ അതിർത്തിയിലേക്ക് കണ്ണുംനട്ടിരിക്കുന്ന ഏത് വ്യോമപ്രതിരോധ സംവിധാനത്തിനും ഇനി ഈ പേര് കേട്ടാല്‍ ഭയക്കണം - രുദ്രം-II. ചാണ്ഡിപൂരിലെ ഇന്റഗ്രേറ്റഡ് ടെസ്റ്റ് റേഞ്ചിലെ ഡാറ്റകള്‍ വ്യക്തമാക്കുന്നത് ഒന്നുമാത്രം; ഇന്ത്യയുടെ വാനോളം ഉയർന്ന കരുത്ത് ഇനി ആർക്കും തടയാനാവില്ല!'
ഇനി ആകാശത്ത് ഇന്ത്യയുടെ പരമാധികാരത്തിന് മേല്‍ ഒരു നിഴല്‍ പോലും വീഴ്ത്താൻ ആർക്കും കഴിയില്ല. അതെ, ഇത് പുതിയ ഇന്ത്യയുടെ ആകാശ കരുത്ത്, ഇത് ഭാരതത്തിന്റെ രുദ്രം