കൊല്ക്കത്ത : പശ്ചിമ ബംഗാള് രാഷ്ട്രീയത്തില് വൻ ഭൂകമ്പം സൃഷ്ടിച്ചുകൊണ്ട് തൃണമൂല് കോണ്ഗ്രസ് പിളർന്നു. മുഖ്യമന്ത്രി മമതാ ബാനർജിയുമായുള്ള വിയോജിപ്പുകളെത്തുടർന്ന് പാർട്ടി വിട്ട വിമത വിഭാഗം പുതിയ രാഷ്ട്രീയ സഖ്യം രൂപീകരിച്ചതാണ് പിളർപ്പിന് കാരണമായത്.
58 എംഎല്എമാരുടെ പിന്തുണയോടുകൂടി വിമത നേതാവ് ഋതബ്രത ബാനർജിയെ പശ്ചിമ ബംഗാള് നിയമസഭയിലെ പുതിയ പ്രതിപക്ഷ നേതാവായി സഖ്യം തിരഞ്ഞെടുത്തു.
തൃണമൂല് കോണ്ഗ്രസ് ചിഹ്നത്തില് വിജയിച്ച 58 എംഎല്എമാരുടെ ഒരു ടീമാണ് പാർട്ടിയിലുള്ളതെന്നും രണ്ട് എംഎല്എമാർ കൂടി അവരോടൊപ്പം ചേരാൻ സാധ്യതയുണ്ടെന്നും ഋതബ്രത ബാനർജി അറിയിച്ചു. അതേസമയം, പാർലമെന്ററി പാർട്ടി ഒഴികെയുള്ള എല്ലാ പാർട്ടി കമ്മിറ്റികളും പിരിച്ചുവിട്ടതായി തൃണമൂല് കോണ്ഗ്രസ് നേതാവ് കുനാല് ഘോഷ് പറഞ്ഞു. ഒരു പാർട്ടിയില് നിന്ന് പുറത്താക്കപ്പെട്ട ഒരാള്ക്ക് പ്രതിപക്ഷ നേതാവാകുന്നത് അസാധ്യമാണെന്നും അദ്ദേഹം പറഞ്ഞു. ഈ വിഷയത്തില് ഇരുവശത്തുനിന്നും സ്പീക്കർക്ക് കത്തുകള് സമർപ്പിച്ചിട്ടുണ്ട്.