ഇന്ത്യയുടെ ചരിത്രപ്രസിദ്ധമായ ചന്ദ്രദൗത്യത്തിനിടയില്‍ അപ്രതീക്ഷിതമായി ഉണ്ടാകുന്ന വൻ ദുരന്തത്തില്‍ നിന്ന് രക്ഷപ്പെടുന്ന ബഹിരാകാശ ശാസ്ത്രജ്ഞൻ ശിവകുമാറിൻറെ യാത്രയാണ് ചിത്രത്തിൻറെ ഇതിവൃത്തം. ഭൂമിയുമായുള്ള ആശയവിനിമയം പൂർണ്ണമായും വിച്ഛേദിക്കപ്പെട്ട്, ചന്ദ്രൻറെ ഇരുണ്ട ഭാഗത്ത് ഒറ്റപ്പെട്ടുപോകുന്ന ശിവ, താൻ മാത്രമാണ് ഈ ദുരന്തത്തില്‍ അതിജീവിച്ചത് എന്ന് കരുതുന്ന നിമിഷത്തിലാണ് 'ക്ലാര' എന്ന ദുരൂഹ ശബ്ദം അവനെ തേടിയെത്തുന്നത്.

ഒരു വശത്ത് ശാസ്ത്രലോകവും മാധ്യമങ്ങളും ശിവ കൊല്ലപ്പെട്ടു എന്ന് വിധി എഴുതുമ്പോള്‍, മറുവശത്ത് അജ്ഞാതമായ ആ ശബ്ദത്തിൻറെ സഹായത്തോടെ ശിവ തൻറെ അതിജീവന പോരാട്ടം തുടരുന്നു. അവിശ്വസനീയമായ സംഭവവികാസങ്ങളിലൂടെ ശിവ ഭൂമിയിലേക്ക് തിരിച്ചെത്തുന്നതും, തുടർന്ന് ക്ലാര എന്ന ശബ്ദത്തിന് പിന്നിലെ നിഗൂഢ സത്യം തേടി പോകുന്നതുമാണ് സിനിമയെ മുൻപോട്ട് നയിക്കുന്നത്.

ശാസ്ത്രീയ കൃത്യതയും വികാരനിർഭരമായ മുഹൂർത്തങ്ങളും സമന്വയിക്കുന്ന 'ഭ്രമണം', കേവലം ഒരു സ്പേസ് ത്രില്ലർ മാത്രമല്ല; മറിച്ച്‌, നാം ഒരിക്കലും നേരിട്ട് കണ്ടിട്ടില്ലാത്ത ചില മനുഷ്യർ എങ്ങനെ നമ്മുടെ ജീവിതത്തെയും വിധിയെയും മാറ്റിമറിക്കുന്നു എന്നതിൻറെ വൈകാരികമായ സാക്ഷ്യപത്രം കൂടിയാണ്.
തിരക്കഥയുടെ പൂർണ്ണ രൂപം ഇപ്പോള്‍ വായിക്കാം : https://www.amazon.com/dp/B0HJQ2ZCPN

മലയാളത്തിലും ഇംഗ്ലീഷിലും മറ്റ് ഇന്ത്യൻ ഭാഷകളിലും നിർമ്മിക്കാനുദ്ദേശിക്കുന്ന ഇത്തരത്തിലുള്ള ആദ്യചിത്രത്തില്‍ പങ്കാളിയാകാൻ ആഗ്രഹിക്കുന്നവർക്ക് xvisiontv@gmail.com എന്ന ഇ മെയിലില്‍ ബന്ധപ്പെടാവുന്നതാണ്.