ഇനി മുതൽ ആർക്കും ശല്യമാകില്ല, ഞാൻ എന്നെ കൊല്ലുകയാണ്: കടുത്ത തീരുമാനവുമായി അഖിൽ മാരാര്‍

രാഷ്ട്രീയം ഉപേക്ഷിക്കുന്നുവെന്ന് സംവിധായകനും സോഷ്യൽമീഡിയ ഇൻഫ്ലുവൻസറുമായ അഖിൽ മാരാർ. സത്യം മുറുകെ പിടിക്കുന്നവന് പറ്റിയതല്ല രാഷ്ട്രീയമെന്നു സമൂഹം തന്നെ പഠിപ്പിച്ചെന്നും ഇല്ലാതാക്കാൻ നോക്കുന്ന സമൂഹത്തിൽ നിങ്ങൾക്ക് വേണ്ടി മിണ്ടാനും നിങ്ങളുടെ ശബ്ദമാകാനും കൊതിച്ച താൻ ഇനി മുതൽ നിശബ്ദത പാലിക്കുകയാണെന്നും അഖിൽ തുറന്നുപറയുന്നു.

‘‘സെപ്റ്റംബർ 7 ഞാൻ ജനിച്ച ദിവസമാണ്...പരിഹാസവും പുച്ഛവും മാത്രം കെട്ട് വളർന്ന ഒരുവൻ സമൂഹത്തിൽ റിബൽ ആയി മാറുന്നത് സ്വാഭാവികമാണല്ലോ.. ഞാനും ഒരു റിബൽ ആയിരുന്നു..നിലപാട് എന്ന വാക്കും അഖിൽ മാരാരും കേരളത്തിൽ എത്രത്തോളം ചർച്ച ആയി എന്നത് നിങ്ങൾക്ക് അറിയാം..