കേന്ദ്ര സർക്കാരിന്റെ പുതിയ 'റെയർ എർത്ത് കോറിഡോർ' പദ്ധതിയിലൂടെ ധാതു ഖനനം, സംസ്കരണം, നൂതന നിർമ്മാണം എന്നിവയില്‍ വലിയ മാറ്റങ്ങള്‍ കൊണ്ടുവരാൻ സാധിക്കും. വരുന്ന ഒരു ദശകത്തിനുള്ളില്‍ ഇതിലൂടെ 50,000 കോടി രൂപയുടെ നിക്ഷേപവും 40,000 തൊഴിലവസരങ്ങളും സൃഷ്ടിക്കുകയാണ് ലക്ഷ്യമെന്ന് ആന്ധ്ര മൈൻസ് പ്രിൻസിപ്പല്‍ സെക്രട്ടറി മുകേഷ് കുമാർ മീന വ്യക്തമാക്കി.

സമുദ്രതീരങ്ങളില്‍ ലഭ്യമാകുന്ന ഇല്‍മെനൈറ്റ്, റുട്ടൈല്‍, മോണസൈറ്റ് തുടങ്ങിയ ധാതുക്കള്‍ ബഹിരാകാശം, പ്രതിരോധം, ഇലക്‌ട്രോണിക്സ് തുടങ്ങിയ പ്രധാന വ്യവസായങ്ങളില്‍ ഉപയോഗിക്കുന്നവയാണ്. ഇറക്കുമതി ആശ്രിതത്വം കുറയ്ക്കുന്നതിനൊപ്പം ആഭ്യന്തര ഉല്‍പ്പാദനം വർദ്ധിപ്പിക്കാനും ഈ നീക്കം സഹായിക്കും. രാജ്യത്തിന്റെ വിതരണ ശൃംഖലയെ ഇത് കൂടുതല്‍ ശക്തമാക്കുമെന്ന് ആന്ധ്ര മൈൻസ് പ്രിൻസിപ്പല്‍ സെക്രട്ടറി മുകേഷ് കുമാർ മീന പറഞ്ഞു. ഇതിനായി പ്രത്യേക പോളിസി പിന്തുണയും വ്യവസായ വളർച്ചയും ലക്ഷ്യമിട്ട് 'എ.പി ടൈറ്റാനിയം ആൻഡ് സ്ട്രാറ്റജിക് മെറ്റീരിയല്‍സ് മിഷനും' സംസ്ഥാനം പ്രഖ്യാപിച്ചിട്ടുണ്ട്.

Andhra Pradesh aims for ₹50,000 crore investment and 40,000 jobs in the next decade through its Rare Earth Corridor and Strategic Materials Mission