കേസ് തള്ളിക്കളയണമെന്ന ഗൗതം അദാനിയുടെയും സാഗർ അദാനിയുടെയും അപേക്ഷയില്‍ പ്രാഥമിക വാദം കേള്‍ക്കാൻ ന്യൂയോർക്ക് ഡിസ്ട്രിക്റ്റ് കോടതി അനുമതി നല്‍കിയതാണ് മുന്നേറ്റത്തിന് സഹായിച്ചത്. കോടതി നടപടികളിലെ ഈ പുരോഗതിക്ക് പിന്നാലെ ബുധനാഴ്ച അദാനി ടോട്ടല്‍ ഗ്യാസ്, അദാനി ഗ്രീൻ എനർജി എന്നീ ഓഹരികള്‍ 13 ശതമാനത്തിലധികം കുതിച്ചുയർന്നു.

യുഎസും ഇറാനും തമ്മിലുള്ള രണ്ടാഴ്ചത്തെ വെടിനിർത്തല്‍ പ്രഖ്യാപനത്തെത്തുടർന്ന് ഇന്ത്യൻ വിപണിയിലുണ്ടായ പൊതുവായ ഉണർവും അദാനി ഓഹരികളുടെ മുന്നേറ്റത്തിന് കരുത്തേകി. അദാനി എന്റർപ്രൈസസ് 11 ശതമാനവും എൻഡിടിവി 12 ശതമാനവും നേട്ടമുണ്ടാക്കിയപ്പോള്‍, അംബുജ സിമന്റ്‌സും അദാനി എനർജി സൊല്യൂഷൻസും 10 ശതമാനം ഉയർന്ന് അപ്പർ സർക്യൂട്ടിലെത്തി. കൈക്കൂലി ആരോപണങ്ങളില്‍ കൃത്യമായ തെളിവുകളില്ലെന്നും അമേരിക്കൻ കോടതിയുടെ നിയമപരിധിയില്‍ വരുന്നതല്ല ഈ കേസ് എന്നുമാണ് അദാനിയുടെ അഭിഭാഷകർ വാദിക്കുന്നത്. നിയമപരമായ വെല്ലുവിളികളില്‍ നിന്നുള്ള ഈ പ്രാഥമിക വിജയം അദാനി ഗ്രൂപ്പിന്റെ വിപണി മൂല്യത്തില്‍ വലിയ വർദ്ധനയാണ് ഉണ്ടാക്കിയിരിക്കുന്നത്.

Adani Group stocks, including Adani Green and Adani Total Gas, saw a massive surge of over 13% after a New York court agreed to hear Gautam Adani's plea to dismiss the SEC fraud case