പ്രശസ്ത പർവതാരോഹകൻ നിർമല്‍ പുർജയുടെ 'എലൈറ്റ് എക്‌സ്പെഡിഷൻസ്' ടീമിനൊപ്പമാണ് ശ്രദ്ധ ഈ ദുർഘടമായ ദൗത്യം വിജയകരമായി പൂർത്തിയാക്കിയത്. വെറും മൂന്ന് വർഷം മുൻപ് വിനോദത്തിനായി ട്രെക്കിംഗ് ആരംഭിച്ച ശ്രദ്ധ, ചുരുങ്ങിയ കാലം കൊണ്ടാണ് ലോകത്തിന്റെ നെറുകയില്‍ എത്തിനില്‍ക്കുന്ന അപൂർവ നേട്ടം കൈവരിച്ചത്.

എവറസ്റ്റ് ദൗത്യത്തിന് മുന്നോടിയായി 2025 സെപ്റ്റംബറില്‍ ലോകത്തിലെ എട്ടാമത്തെ ഉയർന്ന കൊടുമുടിയായ മനാസ്ലുവും, ഒപ്പം ആഫ്രിക്കയിലെ കിളിമഞ്ചാരോ ഉള്‍പ്പെടെയുള്ള മൂന്ന് പ്രധാന കൊടുമുടികളും അവർ കീഴടക്കിയിരുന്നു. നിലവില്‍ സിംഗപ്പൂർ ആസ്ഥാനമായുള്ള ഡിബിഎസ് (DBS) ബാങ്കിന്റെ മിഡില്‍ ഈസ്റ്റ് കോർപ്പറേറ്റ് ബിസിനസ് മേധാവിയായി ജോലി ചെയ്യുകയാണ് ഈ ഇന്ത്യൻ വനിത. കരിയറിലെ ഉത്തരവാദിത്തങ്ങള്‍ക്കിടയിലും കഠിനമായ പരിശീലനങ്ങളിലൂടെ ശ്രദ്ധ നേടിയെടുത്ത ഈ വിജയം വലിയ പ്രചോദനമാണ്.

Dubai-based Indian banker Shradha Gupta creates history by scaling Mount Everest alongside Nirmal Purja's Elite Expeditions team.