ഇന്തോനേഷ്യൻ പ്രസിഡന്റ് പ്രബോവോ സുബിയാന്തോയുമായി ജക്കാർത്തയില്‍ നടത്തിയ കൂടിക്കാഴ്ചയ്ക്ക് ശേഷമാണ് പ്രധാനമന്ത്രി ഇക്കാര്യം അറിയിച്ചത്. ഇന്തോനേഷ്യയിലെ മലാങ്ങിലുള്ള സിംഗസാരി സ്പെഷ്യല്‍ ഇക്കണോമിക് സോണിലായിരിക്കും ക്യാമ്പസ് ആരംഭിക്കുക. ഇത് ഇന്തോനേഷ്യയിലെയും മറ്റ് ആസിയാൻ (ASEAN) രാജ്യങ്ങളിലെയും യുവാക്കള്‍ക്ക് ഉന്നത മാനേജ്‌മെന്റ് വിദ്യാഭ്യാസത്തിനുള്ള മികച്ച അവസരമൊരുക്കും.

രണ്ട് ഘട്ടങ്ങളിലായാണ് ഐ.ഐ.എം ബാംഗ്ലൂർ ഇന്തോനേഷ്യയില്‍ പ്രവർത്തനങ്ങള്‍ വ്യാപിപ്പിക്കുന്നത്. ആദ്യ ഘട്ടത്തില്‍ മുതിർന്ന എക്സിക്യൂട്ടീവുകള്‍ക്കും ബിസിനസ്സ് നേതാക്കള്‍ക്കുമായി ഹ്രസ്വകാല കോഴ്സുകളും എക്സിക്യൂട്ടീവ് പ്രോഗ്രാമുകളും നടപ്പിലാക്കും. തുടർന്ന് രണ്ടാം ഘട്ടത്തില്‍ ഡിഗ്രി നല്‍കുന്ന മാനേജ്‌മെന്റ് പ്രോഗ്രാമുകള്‍ ആരംഭിക്കും. ആർട്ടിഫിഷ്യല്‍ ഇന്റലിജൻസ്, ഡിജിറ്റല്‍ ട്രാൻസ്ഫോർമേഷൻ, ഗ്ലോബല്‍ സപ്ലൈ ചെയിൻ തുടങ്ങിയ ആധുനിക മേഖലകളിലെ വിദ്യാഭ്യാസത്തിനും ഗവേഷണത്തിനുമായിരിക്കും പുതിയ ക്യാമ്പസ് മുൻഗണന നല്‍കുന്നത്. വിദ്യാഭ്യാസ രംഗത്തെ ഈ പങ്കാളിത്തം ഇന്ത്യയും ഇന്തോനേഷ്യയും തമ്മിലുള്ള നയതന്ത്ര ബന്ധത്തില്‍ പുതിയൊരു "സുവർണ്ണ അധ്യായം" കുറിക്കുമെന്ന് പ്രധാനമന്ത്രി പറഞ്ഞു.

PM Narendra Modi announces that IIM Bangalore will establish its first international campus in Indonesia's Singhasari SEZ to boost management education in ASEAN.