ക്യാമറ രംഗത്തെ ലോകോത്തര ബ്രാൻഡായ കാനണ്‍ (Canon), ഇന്ത്യയെ തങ്ങളുടെ ഉല്‍പ്പന്നങ്ങളുടെ പരീക്ഷണശാലയായാണ് കാണുന്നത്. ഇന്ത്യൻ വിവാഹ വിപണിയും ഗ്രാമങ്ങളിലെ ഫോട്ടോസ്റ്റാറ്റ് കടകളും കാനണിന്റെ ആഗോള ഗവേഷണ വികസന പ്രവർത്തനങ്ങളില്‍ വലിയ സ്വാധീനം ചെലുത്തുന്നു. കാനണ്‍ മെഷീനുകള്‍ ജപ്പാനിലെ എഞ്ചിനീയർമാർ വിഭാവനം ചെയ്തതിനേക്കാള്‍ വലിയ രീതിയില്‍ ഇന്ത്യൻ ഉപഭോക്താക്കള്‍ ഉപയോഗിക്കുന്നുണ്ട്. ഉദാഹരണത്തിന്, ചെറിയ പ്രിന്ററുകളില്‍ കട്ടി കൂടിയ പേപ്പർ ഉപയോഗിച്ച്‌ ബുക്ക് കവറുകള്‍ നിർമ്മിക്കുന്ന ഇന്ത്യൻ രീതി കണ്ടാണ് കാനണ്‍ തങ്ങളുടെ ആഗോള മോഡലുകളില്‍ മാറ്റം വരുത്തിയത്. ഇത് പിന്നീട് ഇന്തോനേഷ്യ ഉള്‍പ്പെടെയുള്ള രാജ്യങ്ങളിലും വലിയ വിജയമായി.

ഇന്ത്യയിലെ കാനണ്‍ വരുമാനത്തിന്റെ 60 ശതമാനവും വിവാഹ വിപണിയില്‍ നിന്നാണ്. സ്മാർട്ട്ഫോണുകള്‍ ക്യാമറ വിപണിക്ക് ഭീഷണിയാണെന്ന വാദം നോമുറ തള്ളിക്കളഞ്ഞു. ഫോണുകള്‍ കൂടുതല്‍ ആളുകളെ ഫോട്ടോഗ്രാഫിയിലേക്ക് ആകർഷിക്കുന്നുണ്ടെന്നും, മികച്ച ക്വാളിറ്റി ആഗ്രഹിക്കുമ്പോള്‍ അവർ കാനണ്‍ ക്യാമറകളിലേക്ക് തന്നെ എത്തുമെന്നും അദ്ദേഹം പറഞ്ഞു. എഐ സാങ്കേതികവിദ്യ ഉപയോഗിച്ച്‌ മെഷീനുകള്‍ കേടാകുന്നതിന് മുൻപേ അറ്റകുറ്റപ്പണി നടത്താനുള്ള സംവിധാനങ്ങളും കാനണ്‍ ഒരുക്കുന്നുണ്ട്. നിലവില്‍ ഇന്ത്യയിലെ ക്യാമറ വിപണിയില്‍ 30 ശതമാനം വിഹിതവുമായി കാനണ്‍ ഒന്നാം സ്ഥാനത്താണ്.