പ്രമുഖ നിർമ്മാണ കമ്പനിയായ ലാർസൻ ആൻഡ് ട്യൂബ്രോ (L&T) ഒഡീഷയില്‍ കല്‍ക്കരിയില്‍ നിന്ന് അമോണിയം നൈട്രേറ്റ് നിർമ്മിക്കുന്ന വൻകിട പ്ലാന്റ് സ്ഥാപിക്കാനുള്ള കരാർ സ്വന്തമാക്കി.

ഭാരത് കോള്‍ ഗ്യാസിഫിക്കേഷൻ ആൻഡ് കെമിക്കല്‍സ് ലിമിറ്റഡില്‍ (BCGCL) നിന്നാണ് 2,500 കോടി മുതല്‍ 5,000 കോടി രൂപ വരെ മൂല്യമുള്ള ഈ 'ലക്ഷ്വറി' ഓർഡർ കമ്പനിക്ക് ലഭിച്ചത്. പൊതുമേഖലാ സ്ഥാപനങ്ങളായ കോള്‍ ഇന്ത്യ ലിമിറ്റഡും (CIL) ഭാരത് ഹെവി ഇലക്‌ട്രിക്കല്‍സ് ലിമിറ്റഡും (BHEL) ചേർന്നുള്ള സംയുക്ത സംരംഭമാണ് ബിസിജിസിഎല്‍.

പ്രതിദിനം 2,000 ടണ്‍ അമോണിയം നൈട്രേറ്റ് ഉല്‍പ്പാദിപ്പിക്കാൻ ശേഷിയുള്ള പ്ലാന്റാണ് ഒഡീഷയില്‍ ഒരുങ്ങുന്നത്. ഖനനം, അടിസ്ഥാന സൗകര്യ വികസനം തുടങ്ങിയ മേഖലകളില്‍ രാജ്യത്ത് വർധിച്ചുവരുന്ന അമോണിയം നൈട്രേറ്റിന്റെ ആവശ്യം നിറവേറ്റാൻ ഈ പദ്ധതി സഹായിക്കും. പ്ലാന്റിന്റെ രൂപകല്‍പ്പന, നിർമ്മാണം, കമ്മീഷനിംഗ് എന്നിവയുള്‍പ്പെടെയുള്ള പൂർണ്ണ ചുമതല എല്‍ ആൻഡ് ടിക്കായിരിക്കും. നിലവില്‍ അമോണിയം നൈട്രേറ്റിനായി വിദേശ രാജ്യങ്ങളെ ആശ്രയിക്കുന്നത് കുറയ്ക്കാനും ആഭ്യന്തര ഉല്‍പ്പാദനം വർദ്ധിപ്പിക്കാനും ഈ തന്ത്രപ്രധാന നീക്കം ഇന്ത്യയെ സഹായിക്കും.

L&T bags a major contract from BCGCL to build a massive Coal-to-Ammonium Nitrate plant in Odisha. Capable of producing 2,000 tons per day, this project aims to reduce imports and boost India's domestic mining sector.