എറണാകുളം-വരാപ്പുഴ റൂട്ടില്‍ സർവീസ് നടത്തുന്ന ഈ ബോട്ടിനെ വിദ്യാർത്ഥികള്‍ ഉള്‍പ്പെടെ നിരവധി യാത്രാക്കാരാണ് ദിവസേന ആശ്രയിക്കുന്നത്. കൊച്ചിയിലെ കായലുകളില്‍ ഡീസല്‍ ബോട്ടുകള്‍ പരക്കെ ഉപയോഗിക്കുന്ന സാഹചര്യത്തില്‍, സൗരോർജ്ജ പാസഞ്ചർ ബോട്ട് ഏർപ്പെടുത്തുന്നതിനുള്ള സാധ്യതകള്‍ സർക്കാരും ജലഗതാഗത വകുപ്പും ഗൗരവമായി പരിശോധിച്ചുവരികയാണ്.

എറണാകുളം മേഖലയിലെ ശക്തമായ വേലിയേറ്റവും കാറ്റും കണക്കിലെടുത്ത് സാധാരണ സൗരോർജ്ജ ബോട്ടുകളുടെ ഡിസൈനില്‍ ആവശ്യമായ ഘടനാപരമായ മാറ്റങ്ങള്‍ വരുത്തേണ്ടതുണ്ടെന്ന് അധികൃതർ വ്യക്തമാക്കി. ഇതിനായി കൊച്ചിയിലെ പ്രത്യേക സാഹചര്യങ്ങള്‍ക്കനുസരിച്ച്‌ പുതിയ ബോട്ട് നിർമ്മിച്ച്‌ ഉടൻതന്നെ പരീക്ഷണ അടിസ്ഥാനത്തില്‍ സർവീസ് നടത്താനാണ് അധികൃതരുടെ തീരുമാനം. പരിസ്ഥിതി സൗഹൃദ ജലഗതാഗതത്തിലേക്ക് മാറുന്നതിന്റെ ഭാഗമായി സർക്കാർ ഇക്കോ-ഫ്രണ്ട്‌ലി വെസലുകള്‍ക്ക് കൂടുതല്‍ പ്രോത്സാഹനമാണ് നല്‍കിവരുന്നത്.

Kerala government and Water Transport Department plan to introduce eco-friendly solar passenger boats on the Ernakulam-Varapuzha route in Kochi