ആല്‍ഫബെറ്റ് സി.ഇ.ഒ സുന്ദർ പിച്ചൈയാണ് ഇന്ത്യ ഉള്‍പ്പെടെയുള്ള 140-ലധികം രാജ്യങ്ങളിലെ കോളേജ് വിദ്യാർത്ഥികള്‍ക്കായി ഒരു വർഷത്തെ സൗജന്യ ഗൂഗിള്‍ എഐ സബ്‌സ്‌ക്രിപ്ഷൻ പ്രഖ്യാപിച്ചത്.

ഈ പുതിയ സംവിധാനത്തിലൂടെ വിദ്യാർത്ഥികള്‍ക്ക് ഗൂഗിള്‍ സെർച്ച്‌, ജെമിനി, യൂട്യൂബ് തുടങ്ങിയ പ്ലാറ്റ്‌ഫോമുകള്‍ വഴി വീടുകളില്‍ ഇരുന്ന് തന്നെ വ്യക്തിഗത പഠനാനുഭവം നേടാൻ സാധിക്കും. ഇന്ത്യയിലെ കോളേജ് വിദ്യാർത്ഥികള്‍ക്ക് 12 മാസത്തേക്ക് സൗജന്യമായി ലഭ്യമാകുന്ന 'ഗൂഗിള്‍ എഐ പ്ലസ്' (Google AI Plus) സബ്‌സ്‌ക്രിപ്ഷനില്‍ ഉയർന്ന ഉപയോഗ പരിധിയും 400 ജി.ബി സ്റ്റോറേജും മറ്റ് അത്യാധുനിക ഫീച്ചറുകളും ഉള്‍പ്പെടുത്തിയിട്ടുണ്ട്.

കൂടാതെ, വിദ്യാർത്ഥികള്‍ക്ക് പഠനം കൂടുതല്‍ എളുപ്പമാക്കുന്നതിനായി സ്റ്റഡി നോട്ട്ബുക്കുകള്‍, ഫ്ലാഷ് കാർഡുകള്‍, ഡയഗ്നോസ്റ്റിക് ക്വിസുകള്‍ നല്‍കുന്ന 'ജെമിനി ഡീപ് റിസർച്ച്‌' തുടങ്ങിയ സവിശേഷതകളും ഗൂഗിള്‍ ഇതില്‍ ഉള്‍പ്പെടുത്തിയിട്ടുണ്ട്. അധ്യാപകർക്കായി ഗൂഗിള്‍ ക്ലാസ്‌റൂമില്‍ പ്രത്യേക ടൂളുകള്‍ കൂടി ഉള്‍പ്പെടുത്തിയിട്ടുള്ളത് വിദ്യാർത്ഥികളുടെ പുരോഗതി തത്സമയം നിരീക്ഷിക്കാൻ സഹായകരമാകും.

Google introduces AI study tools for NEET, JEE, and GRE exams, along with a 1-year free Google AI Plus subscription for eligible college students