ഈ പുതിയ സൗകര്യത്തിന്റെ പരീക്ഷണങ്ങള്‍ വിജയകരമായി പൂർത്തിയായതായും തുക നേരിട്ട് വരിക്കാരുടെ ബാങ്ക് അക്കൗണ്ടിലേക്ക് എത്തുമെന്നും അദ്ദേഹം വ്യക്തമാക്കി.

നിലവില്‍ പി.എഫ് തുക പിൻവലിക്കാനുള്ള അപേക്ഷകള്‍ പ്രോസസ്സ് ചെയ്യാൻ ദിവസങ്ങളോളം സമയമെടുക്കാറുണ്ട്. എന്നാല്‍ പുതിയ ഓട്ടോ-സെറ്റില്‍മെന്റ് സംവിധാനം വഴി അപേക്ഷ നല്‍കി മൂന്ന് ദിവസത്തിനകം തുക അക്കൗണ്ടില്‍ ലഭ്യമാകും. ഇതോടൊപ്പം വരിക്കാർക്ക് എളുപ്പത്തില്‍ വിവരങ്ങള്‍ അറിയാനായി വാട്സാപ്പ് ചാറ്റ്‌ബോട്ട് സേവനവും ഇ.പി.എഫ്.ഒ ഉടൻ ആരംഭിക്കും.

യു.പി.ഐ വഴി തുക പിൻവലിക്കുന്ന പ്രക്രിയ വളരെ ലളിതമായാണ് ക്രമീകരിച്ചിരിക്കുന്നത്. വരിക്കാർക്ക് തങ്ങളുടെ പി.എഫ് അക്കൗണ്ടില്‍ നിന്നും പിൻവലിക്കാൻ യോഗ്യതയുള്ള തുക എത്രയെന്ന് ആദ്യം പരിശോധിക്കാൻ സാധിക്കും. തുടർന്ന് ഇ.പി.എഫ് അക്കൗണ്ടുമായി ലിങ്ക് ചെയ്തിട്ടുള്ള ബാങ്ക് അക്കൗണ്ട് വഴി, സ്വന്തം യു.പി.ഐ പിൻ രേഖപ്പെടുത്തി ഈ ഇടപാട് പൂർത്തിയാക്കാം.

ഇത്തരത്തില്‍ പിൻവലിക്കുന്ന തുക ബാങ്ക് അക്കൗണ്ടിലേക്ക് നേരിട്ട് ട്രാൻസ്ഫർ ചെയ്യപ്പെടും. ഈ തുക ഉപഭോക്താക്കള്‍ക്ക് ഡിജിറ്റല്‍ ഇടപാടുകള്‍ നടത്താനോ അല്ലെങ്കില്‍ എ.ടി.എം കാർഡുകള്‍ വഴി പണമായി പിൻവലിക്കാനോ ഉപയോഗിക്കാവുന്നതാണ്. വരിക്കാരുടെ ആകെ സമ്പാദ്യത്തിന്റെ നിശ്ചിത ഭാഗം അക്കൗണ്ടില്‍ നിലനിർത്തിക്കൊണ്ട്, വലിയൊരു പങ്ക് തുക ഇത്തരത്തില്‍ യു.പി.ഐ വഴി പിൻവലിക്കാൻ അനുവദിക്കുന്ന രീതിയിലാണ് ഈ പദ്ധതി വിഭാവനം ചെയ്തിരിക്കുന്നത്.

EPF subscribers can now withdraw their Provident Fund (PF) amount directly using UPI. Learn about EPFO's new 3-day auto-settlement system and WhatsApp chatbot