ഹോങ്കോങ്ങിലെ ടാക്സി വിപണിയില്‍ സാന്നിധ്യം ശക്തമാക്കുന്നതിന്റെ ഭാഗമായി പ്രാദേശിക പ്ലാറ്റ്‌ഫോമായ 'ഫ്ലൈ ടാക്സി'യെ (FlyTaxi) ഏറ്റെടുക്കുന്നതായി ആഗോള ടാക്സി സർവീസ് ഭീമനായ ഊബർ പ്രഖ്യാപിച്ചു.

നിലവില്‍ രണ്ട് ആപ്പുകളിലെയും സേവനങ്ങളില്‍ മാറ്റമുണ്ടാകില്ലെന്നും ഡ്രൈവർമാർക്കും യാത്രക്കാർക്കും തടസ്സമില്ലാതെ സേവനം തുടരാമെന്നും കമ്പനികള്‍ അറിയിച്ചിട്ടുണ്ട്.

ഫ്ലൈ ടാക്സിയുടെ പ്രാദേശിക വൈദഗ്ധ്യവും ഊബറിന്റെ ആഗോള സാങ്കേതികവിദ്യയും ഒന്നിപ്പിക്കുകയാണ് ഈ ഏറ്റെടുക്കലിലൂടെ ലക്ഷ്യമിടുന്നതെന്ന് ഊബർ ഹോങ്കോങ്ങ് ജനറല്‍ മാനേജർ എസ്റ്റിൻ ചുങ് പറഞ്ഞു. 2013ല്‍ പ്രവർത്തനം ആരംഭിച്ച ഫ്ലൈ ടാക്സി ഹോങ്കോങ്ങിലെ ലക്ഷക്കണക്കിന് ആളുകള്‍ ഉപയോഗിക്കുന്ന സ്റ്റാർട്ടപ്പ് വിജയഗാഥയാണെന്നും അദ്ദേഹം പ്രശംസിച്ചു. ലയനത്തോടെ ഡ്രൈവർമാർക്ക് കൂടുതല്‍ ബിസിനസ്സ് അവസരങ്ങള്‍ ലഭിക്കുമെന്നും യാത്രക്കാർക്ക് മികച്ച യാത്രാനുഭവം ഉറപ്പാക്കുമെന്നും ഊബർ വ്യക്തമാക്കി.

Global ride-hailing giant Uber announces the acquisition of Hong Kong's popular local platform, FlyTaxi. Discover how this merger aims to combine local expertise with global technology to enhance the taxi experience for drivers and passengers in Hong Kong.