ഇതോടെ ഈ സാമ്പത്തിക വർഷം ഇനി ഇന്ത്യയില്‍ നിന്നുള്ള അപേക്ഷകർക്ക് പുതിയ ഇബി-2 ഗ്രീൻ കാർഡുകള്‍ അനുവദിക്കില്ല.

ഉയർന്ന ബിരുദമുള്ളവർക്കും (Advanced Degrees) ശാസ്ത്രം, കല, ബിസിനസ്സ് എന്നീ മേഖലകളില്‍ അസാധാരണമായ കഴിവുകളുള്ള പ്രൊഫഷണലുകള്‍ക്കുമാണ് സാധാരണയായി 'ഇബി-2' ഗ്രീൻ കാർഡുകള്‍ നല്‍കുന്നത്. അമേരിക്കയിലെ ഐടി കമ്പനികളില്‍ ജോലി ചെയ്യുന്ന ആയിരക്കണക്കിന് ഇന്ത്യൻ പ്രൊഫഷണലുകളാണ് പ്രധാനമായും ഈ വിസ കാറ്റഗറിയെ ആശ്രയിക്കുന്നത്.

യുഎസ് നിയമപ്രകാരം ഒരു പ്രത്യേക രാജ്യത്തുനിന്നുള്ളവർക്ക് ഒരു വർഷം നല്‍കാവുന്ന ഗ്രീൻ കാർഡുകളുടെ എണ്ണത്തിന് നിശ്ചിത പരിധിയുണ്ട്. ഇന്ത്യയില്‍ നിന്നുള്ള അപേക്ഷകരുടെ എണ്ണം ഈ പരിധിയേക്കാള്‍ വളരെ കൂടുതലായതിനാലാണ് ക്വാട്ട നിശ്ചിത സമയത്തിന് മുൻപ് തന്നെ തീർന്നുപോയത്.

ഇനി വരാനിരിക്കുന്ന 2027 സാമ്പത്തിക വർഷത്തിന്റെ തുടക്കത്തില്‍ (2026 ഒക്ടോബർ ഒന്നിന്) പുതിയ ക്വാട്ട അനുവദിക്കുന്നത് വരെ ഈ താല്‍ക്കാലിക വിലക്ക് തുടരും. നിലവില്‍ ഗ്രീൻ കാർഡിനായുള്ള അന്തിമ ഘട്ട അഭിമുഖങ്ങള്‍ പൂർത്തിയാക്കിയവർക്കും, അപേക്ഷകള്‍ സമർപ്പിച്ച്‌ കാത്തിരിക്കുന്നവർക്കും ഈ തീരുമാനം വലിയ കാലതാമസമുണ്ടാക്കും.

ഇന്ത്യൻ ഐടി ജീവനക്കാരുടെ ഗ്രീൻ കാർഡ് കാത്തിരിപ്പ് കാലാവധി നിലവില്‍ തന്നെ പതിറ്റാണ്ടുകള്‍ നീളുന്നതാണ്. പുതിയ ക്വാട്ട തീർന്നതോടെ നിലവില്‍ എച്ച്‌-1ബി (H-1B) വിസയില്‍ അമേരിക്കയില്‍ തുടരുന്ന ലക്ഷക്കണക്കിന് ഇന്ത്യൻ പ്രൊഫഷണലുകളുടെയും അവരുടെ കുടുംബങ്ങളുടെയും ആശങ്കകള്‍ വർദ്ധിച്ചിരിക്കുകയാണ്.

The US State Department announces that the FY2026 EB-2 Green Card quota for Indian applicants is completely exhausted, halting new approvals for IT professionals until October.