1930-കളില്‍ കുടിയേറ്റക്കാരനായി അമേരിക്കയിലെത്തിയ അദ്ദേഹം, കാലിഫോർണിയയിലെ ഫാമുകളില്‍ കഠിനാധ്വാനം ചെയ്താണ് തന്റെ ജീവിതം കെട്ടിപ്പടുത്തത്. 1942-ല്‍ സാക്രമെന്റോയിലെ ഒരു ചെറിയ മോട്ടല്‍ ഏറ്റെടുത്തുകൊണ്ട് അദ്ദേഹം തുടക്കമിട്ട ബിസിനസ് മാതൃക പിന്നീട് ആയിരക്കണക്കിന് ഗുജറാത്ത് കുടുംബങ്ങള്‍ക്ക് അമേരിക്കയില്‍ പുതിയൊരു വഴി തുറന്നുകൊടുത്തു. പണം നല്‍കി സഹായിക്കുന്നതും പരസ്പര സഹകരണവും മുഖമുദ്രയാക്കിയ ഈ കൂട്ടായ്മ അമേരിക്കയിലെ മോട്ടല്‍ വ്യവസായത്തെ അടിമുടി മാറ്റിമറിച്ചു.

ഇന്ന് അമേരിക്കയിലെ ലക്ഷക്കണക്കിന് ഹോട്ടലുകള്‍ നിയന്ത്രിക്കുന്നത് ഗുജറാത്തില്‍ നിന്നുള്ള പട്ടേല്‍ കുടുംബങ്ങളാണ്. തുടക്കത്തില്‍ കടുത്ത വംശീയതയും സാമ്പത്തിക ബുദ്ധിമുട്ടുകളും നേരിട്ടെങ്കിലും, കഠിനാധ്വാനത്തിലൂടെയും കുടുംബ കൂട്ടായ്മയിലൂടെയും അവർ ആ പ്രതിസന്ധികളെല്ലാം തരണം ചെയ്തു. എന്നാല്‍ ഈ സാമ്രാജ്യത്തിന് അടിത്തറ പാകിയ കാഞ്ചു മഞ്ചു ദേശായ്ക്ക് പക്ഷേ തന്റെ ജീവിതകാലത്ത് ആ നേട്ടങ്ങളുടെ തിളക്കം പൂർണ്ണമായി ആസ്വദിക്കാൻ സാധിച്ചില്ല. എങ്കിലും അമേരിക്കൻ ഹോസ്പിറ്റാലിറ്റി ചരിത്രത്തില്‍ കോണ്‍റാഡ് ഹില്‍ട്ടണെയും ജെ. വില്ലാർഡ് മാരിയറ്റിനെയും പോലെ തന്നെ സ്മരിക്കപ്പെടേണ്ട വ്യക്തിയാണ് അദ്ദേഹം

Discover how Gujarati immigrant Kanchu Manchu Desai pioneered the Indian Patel community's rise to controlling 60 percent of the US hospitality industry