യുഡിഎഫ് കണ്‍വീനർ അടൂർ പ്രകാശ് നടത്തിയ പ്രസ്താവനകള്‍ അദ്ദേഹത്തിന്റെ വ്യക്തിപരമായ അഭിപ്രായമാണെന്നും, ഇത് സംബന്ധിച്ച്‌ തനിക്ക് രേഖാമൂലം യാതൊരു പരാതിയും ലഭിച്ചിട്ടില്ലെന്നും അവർ വ്യക്തമാക്കി.

കെപിസിസി ആസ്ഥാനത്ത് അടൂർ പ്രകാശ് നടത്തിയ വാർത്താസമ്മേളനം ശ്രദ്ധയില്‍പ്പെട്ടിട്ടുണ്ടെന്ന് വ്യക്തമാക്കിയ ദീപാ ദാസ് മുൻഷി, പാർട്ടിയില്‍ യാതൊരുവിധ പ്രതിസന്ധികളുമില്ലെന്ന് കൂട്ടിച്ചേർത്തു. സർക്കാരിന്റെ പ്രവർത്തനങ്ങളും പുതിയ പദ്ധതികളും കാര്യക്ഷമമായാണ് മുന്നോട്ട് പോകുന്നതെന്നും അവർ ഡല്‍ഹിയില്‍ മാധ്യമങ്ങളോട് പറഞ്ഞു.

അതിനിടെ, മുഖ്യമന്ത്രിയുമായുള്ള വിഷയത്തില്‍ അടൂർ പ്രകാശ് എഐസിസി അധ്യക്ഷൻ മല്ലികാർജുൻ ഖാർഗെയ്ക്ക് പരാതി നല്‍കിയിട്ടുണ്ടോ എന്ന കാര്യത്തില്‍ തനിക്ക് വ്യക്തതയില്ലെന്ന് കെപിസിസി പ്രസിഡന്റ് പ്രതികരിച്ചു. നിലവിലെ അഭിപ്രായവ്യത്യാസങ്ങള്‍ ചർച്ച ചെയ്ത് പരിഹരിക്കുമെന്നും അദ്ദേഹം ഉറപ്പുനല്‍കി.

കൂടാതെ, മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ് കുമാറിനെതിരെ നടത്തുന്ന പ്രതിഷേധങ്ങള്‍ യുഡിഎഫ് സഖ്യത്തിന്റെ പൂർണ പിന്തുണയോടെ മുന്നോട്ട് കൊണ്ടുപോകുമെന്നും, ഡല്‍ഹിയിലെത്തുന്ന കേരള സംഘം കേന്ദ്ര വൈദ്യുതി മന്ത്രിയുമായി കൂടിക്കാഴ്ച നടത്തുമെന്നും പാർട്ടി നേതൃത്വം അറിയിച്ചു.