മാഡ്രിഡ്: പാർലമെന്റില്‍ ഭവനനിർമാണ സഹായ പദ്ധതികള്‍ പരാജയപ്പെട്ടതിനെത്തുടർന്ന് നേരത്തേ തെരഞ്ഞെടുപ്പ് പ്രഖ്യാപിച്ച്‌ സ്പാനിഷ് പ്രധാനമന്ത്രി പെഡ്രോ സാഞ്ചസ്.
നവംബർ 29ന് വോട്ടെടുപ്പ് നടക്കും. രാജ്യത്തെ പാർപ്പിട പ്രതിസന്ധി പരിഹരിക്കാൻ ആസൂത്രണം ചെയ്ത പദ്ധതികളാണു പാർലമെന്റില്‍ പരാജയപ്പെട്ടത്.
കുടിയൊഴിപ്പിക്കലും റിയല്‍ എസ്റ്റേറ്റ് ഊഹക്കച്ചവടവും കുറയ്ക്കുന്നതിനുള്ള നടപടികള്‍ ഉള്‍പ്പെടുന്ന രണ്ട് അടിയന്തര ഉത്തരവുകളാണു പ്രതിപക്ഷപാർട്ടികള്‍ പാർലമെന്റില്‍ പരാജയപ്പെടുത്തിയത്. വീടുകളുടെ വിലയും വാടകയും ഉയർന്നതിനെതിരേ രാജ്യത്തിന്റെ വിവിധ ഭാഗങ്ങളില്‍ ശക്തമായ പ്രതിഷേധമാണ് ഉയരുന്നത്.
2018 മുതല്‍ സ്പെയിനിന്റെ പ്രധാനമന്ത്രിയായി തുടരുന്ന സാഞ്ചസ് (54), യൂറോപ്പിലെ ഏറ്റവും ദീർഘകാലം അധികാരത്തിലിരുന്ന നേതാക്കളില്‍ ഒരാളാണ്.