മൂന്നാം ദിവസമായ ഞായറാഴ്ച മാത്രം ആഭ്യന്തരവിപണിയില്‍നിന്ന് 61 കോടി രൂപയാണു ചിത്രം നേടിയത്. ഇതോടെ മുൻ ചിത്രം 'ദൃശ്യം 2'-ന്റെ ലൈഫ് ടൈം കളക്ഷൻ റെക്കോർഡുകളെയും മറികടക്കുന്ന പ്രകടനമാണു മൂന്നാം ഭാഗം കാഴ്ചവയ്ക്കുന്നത്.

ഓവർസീസ് മാർക്കറ്റുകളിലും ചിത്രത്തിനു മികച്ച പ്രതികരണമാണു ലഭിക്കുന്നത്. ഞായറാഴ്ച മാത്രം വിദേശത്തുനിന്ന് ഇരുപതു കോടിയോളം ചിത്രം നേടി. ഇതോടെ ആദ്യ വാരാന്ത്യത്തില്‍ ചിത്രത്തിന്റെ ആഗോള ബോക്സ്‌ഓഫീസ് കളക്ഷൻ 272.80 കോടി രൂപ പിന്നിട്ടു.

2026-ല്‍ റിലീസ് ചെയ്ത ചിത്രങ്ങളില്‍, ആഗോള കളക്ഷൻ അടിസ്ഥാനത്തില്‍ പതിനൊന്നാം സ്ഥാനത്താണ് ഇപ്പോള്‍ 'ദൃശ്യം 3'. അഭിഷേക് പഥക് സംവിധാനം ചെയ്ത ചിത്രത്തില്‍ അജയ് ദേവ്ഗണ്‍, ശ്രിയ ശരണ്‍, തബു, ജയ്ദീപ് അഹ്ളാവത് എന്നിവരാണു പ്രധാന കഥാപാത്രങ്ങളെ അവതരിപ്പിച്ചത്. ദിവസങ്ങള്‍ക്കുള്ളില്‍ ചിത്രം 500 കോടി പിന്നിടുമെന്നാണ് ട്രേഡ് അനലിസ്റ്റുകള്‍ വ്യക്തമാക്കുന്നത്.