റാഞ്ചി: ജാർഖണ്ഡ് മുഖ്യമന്ത്രി ഹേമന്ത് സോറന്റെ അമ്മ രൂപി സോറനെക്കുറിച്ച്‌ അപകീർത്തികരമായ പരാമർശം നടത്തിയ ബിജെപി എംഎല്‍എ സത്യേന്ദ്ര നാഥ് തിവാരിക്കെതിരേ കേസെടുത്തു.
രൂപി സോറനെ അധിക്ഷേപിക്കുന്ന പരാമർശങ്ങള്‍ അടങ്ങിയ വീഡിയോ സമൂഹമാധ്യമങ്ങളില്‍ പ്രചരിച്ചതിനെത്തുടർന്ന് ശ്രാവണ്‍ സിംഗ് കാർവാർ എന്നയാള്‍ പൊലിസില്‍ പരാതിപ്പെടുകയായിരുന്നു.
പട്ടികജാതി/പട്ടികവർഗ നിയമം ഉള്‍പ്പടെ ചേർത്താണ് എംഎല്‍എക്കെതിരേ കേസെടുത്തതെന്ന് പൊലിസ് അറിയിച്ചു.