2027 ജനുവരി 28 മുതല് 31വരെ നടക്കുന്ന സമ്മേളനത്തില് ആഗോള ഊര്ജമേഖലയിലെ നയരൂപീകരണ വിദഗ്ധര്, ഊര്ജോത്പാദന കമ്പനികളുടെ മേധാവികള്, നൂതന ആശയങ്ങള് നടപ്പാക്കിയ സാങ്കേതിക വിദഗ്ധര്, വന്കിട നിക്ഷേപകര്, വ്യവസായ സംരംഭകര് എന്നിവര് പങ്കെടുക്കും. സമ്മേളത്തിനുമുന്നോടിയായി കൊച്ചി, ചെന്നൈ, ഭോപ്പാല് എന്നിവിടങ്ങളില് കര്ട്ടന് റൈസര് സംഘടിപ്പിച്ചു.

കൊച്ചി രാജഗിരി സ്കൂള് ഓഫ് എന്ജിനിയറിംഗില് നടന്ന ചടങ്ങില് ബിപിസിഎല് കൊച്ചി റിഫൈനറി എക്സിക്യുട്ടീവ് ഡയറക്ടര് ചാക്കോ എം. ജോസ് അധ്യക്ഷത വഹിച്ചു.

കേന്ദ്ര പെട്രോളിയം മന്ത്രാലയത്തിന്റെ സഹകരണത്തോടെ 2023ല് ബംഗളൂരുവില് തുടക്കമിട്ട ഇന്ത്യ എനര്ജി വീക്കിന്റെ അഞ്ചാമത്തെ എഡിഷനാണ് കോല്ക്കത്തയില് അരങ്ങേറുന്നത്.

‘നൂതന ആശയങ്ങളും ഊര്ജസുരക്ഷയും എങ്ങനെ ഭാവിയെ രൂപപ്പെടുത്തുന്നു’എന്നതാണ് ഇത്തവണത്തെ പ്രമേയം. അന്താരാഷ്ട്രതലത്തില് പ്രവര്ത്തിക്കുന്ന 75000ലധികം ഊര്ജ പ്രഫഷണലുകളും 700ലധികം പ്രദര്ശന സ്റ്റാളുകളും സമ്മേളത്തിന്റെ ഭാഗമായി പങ്കെടുക്കും.