കണ്ണൂർ: കോണ്‍ഗ്രസ് സ്തൂപത്തിന് നേരേ കരി ഓയില്‍ പ്രയോഗം. അഴീക്കോട് വൻകുളത്തുവയലിലെ രാജീവ് ഗാന്ധി സ്തൂപമാണ് കരി ഓയില്‍ ഒഴിച്ച്‌ വികൃതമാക്കിയത്.
ഇന്നു രാവിലെയാണ് സംഭവം ശ്രദ്ധയില്‍പ്പെട്ടത്.
1998ല്‍ സഞ്ജയ് യൂത്ത് ക്ലബ് സ്ഥാപിച്ചതാണ് സ്തൂപം. സിപിഎം പ്രവർത്തകരാണ് സംഭവത്തിന് പിന്നിലെന്ന് കോണ്‍ഗ്രസ് ആരോപിച്ചു. ഡിസിസി ജനറല്‍ സെക്രട്ടറി ബിജു ഉമ്മർ, ട്രഷറർ കെ.പ്രമോദ്, മുസ്ലിം ലീഗ് ജില്ലാ പ്രസിഡന്റ് അബ്ദുള്‍ കരീം ചേലേരി, ടി.കെ. അജിത്ത്, ടി.എം.മോഹനൻ തുടങ്ങിയവർ സ്ഥലം സന്ദർശിച്ചു. പൊലിസ് കേസെടുത്ത് അന്വേഷണം തുടങ്ങി.